[align=center]اخوي ابو امجاد
رداً على كلامك اقول لك كل شخص محاسب عن تصرفاته ويجني ثمار افعاله وتصرفاته ويكون مردود افعاله عليه هو وعلى الناس اللي حوله واقرب مثال
الواحد منا في بيته وبين اهله لو كان عبوس ومكشر ومعاملته معهم بعصبيه وازدراء دايم تحصل اهل بيته ينفروون منه ومايصدقون على الله بس يطلع من البيت او يفارق عن وجيههم شوي
وش عاد حال شخص تشوفه مره يمكن او مرتين على حسب الصدف والظروف
وبالنسبه لزيارات الجيران ما نقول الا الله يعين الحين الوحد مايزور اقاربه الا من فتره لفتره الدنيا واشغالها اللي حنا شاغلين انفسنا فيها,
الواحد يحمد ربه لو كان جاره هادي وفي حاله وكافيه شره
وبالنسبه لمثالك اللي تقول هندي لو دخل مجلس او شي هذا ياخي حكم العادات والتقاليد والمتعارف عليه بيننا ماهو استنقاص للشخص او لذاته الله كرمنا جميعا
ولا تنسى قول الرسول عليه افضل الصلاة والسلام
( أقربكم مني يوم القيامة أحسنكم خلقا )[/align]