هذا ماحصل لي مع المرور رايكم الله يحفظكم

[راكان611]

اليوم يا اخوان ((((الجمعة )))))13-5 الساعة 11:25 مساءا

ازعجنا دباب بالحاره في حي البلدية والله ان البزران ((((صابتهم خرعه ))))))

من صوت هالدباب

المهم .....

اخوكم قال مالها الا المرور .................................................. .

من باب ان المواطن رجل أمن وواجب عليه الابلاغ عن اي مخالفة

للمعلومية سبق ان ازعجنا راعي هالدباب في مرات ساااابقة وبلغنا المرور ولكن لا حياة لمن تنادي

نرجع للموضوع دقيت 993

أنا : السلام عليكم

العسكري : نعم وبنفس خايسه ((((شكلي صحيته من النوم))))

أنا : اخوي فيه دباب ازعجنا بالحاره وبزارينا تفاقعت من النوم

العسكري : وين المكان ((((احس انه بدأ يرفع صوته )))) مدري من الحماسه او اني دبلت كبده دبل

أنا : وصفت له المكان

العسكري : خلاص

أنا : تكفا الله يجزاك خير بسرعه لا تتأخرون

العسكري : وبصوت فجر أذاني (((خلاص ))) هو واقف على راسك

أنا : يابن الحلال انا سبق ان بلغتكم عنه ولا احد جاء وقاطع كلامي

العسكري : خلاص يالله توكل على الله

وبعدها صك التليفون بوجهي

نبي الرأي يا أخوااااان

[فزاع الحفراوي]

اخى رااااااكان

[@الميموني@]

يابن الحلااااااال وش تبي تسوي تروح تشتكي عليهم من تاخرهم باالوصول

او طريقة اسلوبهم مع بلاغات الموطنين محد يرد عليك ولايعطونك وجه اصلأ

اقول خلها على الله بس

[أبوفيصل]

فعلاً إلي قائمين على التلفون بعضهم نفسه شينة ..

والله ما أنسى يوم سكر التلفون بوجهي وانا اببلغه بمخالفة سيارة شحن ..

قبل لا اتكلم سكر التلفون بوجهي ..

وين المسؤول عنهم ..؟؟

[خالد999]

مره كنت راكب انا واحد الزملاء وجاء باكستاني مطفي النور الظاهر متزاعل مع كفيله ودخل علينا وصدم الرفرف الخلفي ونحن في شارع عام وهو داخل علينا من شارع فرعي

ماكنا نبي منه شي لان السياره عليها تأمين شامل بس عشان الاجراءات

واتصلنا على المرور وبلغناهم وخذ ساعه ساعتين ثلاث ساعات انتظار وماجاء احد منهم

بالاخير قلنا للباكستاني ( انتا يبغى شي ) قال لا قلنا له توكل على الله

وخوينا طلع ورقة تقرير واصلاح من المرور بالواسطة عشان التأمين

زبدة الموضوع :

اغسل ايدك ان يجيك احد بفترة وجيزة السبب مو منهم السبب بقلة الامكانيات المتوفرة لديهم

يمكن تلقى عنده سيارتين او ثلاثه ومايقدرون يغطون الحفر كلها

الله المستعان

[راكان611]

اقتباس: المشاركة الأصلية كتبت بواسطة خالد999    مره كنت راكب انا واحد الزملاء وجاء باكستاني مطفي النور الظاهر متزاعل مع كفيله ودخل علينا وصدم الرفرف الخلفي ونحن في شارع عام وهو داخل علينا من شارع فرعي ماكنا نبي منه شي لان السياره عليها تأمين شامل بس عشان الاجراءات واتصلنا على المرور وبلغناهم وخذ ساعه ساعتين ثلاث ساعات انتظار وماجاء احد منهم بالاخير قلنا للباكستاني ( انتا يبغى شي ) قال لا قلنا له توكل على الله وخوينا طلع ورقة تقرير واصلاح من المرور بالواسطة عشان التأمين زبدة الموضوع : اغسل ايدك ان يجيك احد بفترة وجيزة السبب مو منهم السبب بقلة الامكانيات المتوفرة لديهم يمكن تلقى عنده سيارتين او ثلاثه ومايقدرون يغطون الحفر كلها الله المستعان

لا والله وانا اخوك
لاتقول قلة امكانيات
رح للمرور وشف الدوريات من غير الدبابات
لا والله الا عدم وعي وقلة اهتمام ومسؤولية من هالعسكري
ومن هم على شاكلته
هذا بالامور البسيطة كذا ردهم وشلون لا صارت امور اكبر لاقدر الله

[عزيز مجد]

صحيح المرور في نوم سبات

الحوادث ماتباشر في وقت وجيز سواء الحوادث الكبيرة امابالنسبة للحوادث البسيطة فأن رجل المرور

يتململ ويتأخر عليهم وقد حدثني بعض الشباب بان سبب مباشرة الحوادث البسيطة بسرعة حتى يملون أصحاب السيارات ويتنازلون عن بعضهم

[خالد999]

اقتباس: المشاركة الأصلية كتبت بواسطة راكان611    لا والله وانا اخوك لاتقول قلة امكانيات رح للمرور وشف الدوريات من غير الدبابات لا والله الا عدم وعي وقلة اهتمام ومسؤولية من هالعسكري ومن هم على شاكلته هذا بالامور البسيطة كذا ردهم وشلون لا صارت امور اكبر لاقدر الله

المقصد بارك الله فيك

انهم لم يوظفوا سوى شخص أو شخصين للحوادث وليس بكثرة السيارات

عندما يكون شخصين مثلا مسؤلين عن معاينة الحوادث فمن الطبيعي سيكون لكل واحد منهم سيارة

اما عندما يتم تعيين اكثر من شخص لهذه المهمات فحتماً سيكون حل لهذه المعضلة التي تألم منها كثير من الناس

شكرا لك بارك الله فيك

[عايد الخالدي]

لا تعليق

[العزيزيه (ب)]

اجل اخوي مالك الا تطلع وتدق خشم راعي الدباب وخله يشتكي عليك ههههههههههههههههه
تحصلهم بسرعه عند باب بيتك
وعسى الله يعينك
=== تقبل مروري