اب يطلب من ابنه ترك الدخان وهي قصيده مؤثره جداً....... -------------------------------------------------------------------------------- هذه قصيده للشاعر حمد بن عبدلله المعجل(رحمه الله) قالها يطلب من ابنه ترك الدخان وهي قصيده مؤثره جداً....... وقد استجاب له ابنه..... أليكم الأبيات اتمنى تعجبكم يقول من حده من البين حادي قد لي وأنا قلبي من البن مضهود من واهجنٍ بالقلب حرق فؤادي بالليل عني كنها عين مرمود وبهالسبب حاربت نومي وزادي إلى ذكرت عبيد وفهيد وسعود والرابع اللي مثل طير الهدادي أخاف طير الصيد يرد مصيود تجنبوا درب البلا والنفادي سو تعرفونه وجع قلب وكبود خوفًًً على الصفحه يجيها سوادي وانتم رجال الطيب من فضل أبالجود ترا الهوا والنفس تبغي جهادي ومن طاوع الشيطان والنفس مقرود لاشفت بعض الناس تايه وغادي أنت أحمد المعبود منتاب محدود هذا نصيحة والدك ياسنادي ما أذكر بالدخان ربح ولا فود لاشفت حالك مثل بعض العوادي توك شباب وحالتك كنها العود تدخل على الله ياصميمه فؤادي أمكن على نفسك ترا الصبر محمود سويت شرٍ للعيال الجدادي تفتح لها باب وهو قبل مسدود حتى يقال النار ترث رمادي خليت درب الجود والجود ماجود ماربح واحد من جميع العبادي وعندي على هذا براهين وشهود صرنا ندور رزق في كل وادي وخفنا من المنقود والنقص والزود نخاف من هجره عدوٍ عنادي حبله لعورات المخاليق ممدود والكل منكم فاهم القصادي ويعرف طريق أبوان وأعمام وجدود يامن يبشرني بعلم وكادي ويقال جازوا عنه مادمت موجود قبل ارتحل في مضلمات أللحادي ويقال مرحوم ووده للعود وصلاة ربي عد ماخضر وادي على نبي وضح الحق بحدود فرد عليه ابنه بعدما ترك الدخان لمدة سبع شهور: ابدي بذكر الله على كل بادي الواحد المعبود ذا الفضل والجود عز وتبارك رب كل العبادي اللي لوجهه تخضع الخلق بسجود ياللي عليك أهدايتي واعتمادي يامسندي لا صرت بالضيق مضهود للجود وهابٍ وللخير هادي بابك عن المخلوق ماهوب مردود فضلك كريم ونشرك بالمزادي يامبدلن بيض المعاني عن السود بدلت بي طبع وأنا قبل غادي وهديتني عن مسلكٍ كان منقود أحمدك بأول عندما اخضر وادي أحمدك ثاني عندما هبت النود سبع شهور ما قدحت الزنادي وعن البكت جيبي مقفل ومسدود وغصبت نفسي بالصبر والجلادي والنفس قشرا دايم تطلب الزود أنا وهي في مشكلات جهادي وغصبتها إجباري ووريتها الكود ألين طاعت وسلكت بانقيادي من فضل رب للمخاليق معبود كله لعين اللي طلبني عدادي والدمع من عينه على الخدد مبدود يومه تمثل بالقصيدة ينادي ويقول جوزو عنه مادمت موجود والله لطيعه حيث رأيه سدادي ومن لا يطيع أبوه غادي ومقرود غذيتني من يوم أني بالمهداي ووعيت للدنيا على سهود ومهود ووفرت لي لبسي وشربي وزادي وبذلت بالغالي لنا كل مجهود صفحتك بيضاء مالحقها سوادي وألنا على دربك ملازيم وعهود هذا الجواب اللي طلع من فؤادي كله لعين أرضاك يا منبع الجود تمت وصلا الله عداد الجرادي على نبي وضح الحق مجرود
تسلم يالغالي على هالقصيدة
تسلم الايادي على الموضوع الحلو وتـحـيـاتـي
العفو اختي مشمش الحفر الشمري دمتم بخير
كلمات رائعه ومعاني صادقه مشكور على الابداع
اهلان بحظورك اخي lomy2004 دمت بخير
قصيده رائعه وجميله وبيض الله وجه الولد يوم سمع نصيحة ابوه وبيض الله وجه الاخت نسيم على نقل القصيده الرائعه والجميله
اهلان بحظورك اخي امــــــ الليل ـــــير دمت بخير
, , نســـــ الشمال ـــــيم <<!! صح لسانك صراحه حلوه القصيده ليه ماتشاركين فيها بشاعر المليون كخخخخخخ!!! تسلمين %% وتقبل مروري ,! ,, , الوافي للأبد , ’ هجـ،ـ،ـ،ــ الليل ـ،ـ،ـ،ـاد
اهلان بطلتك اخي ,, , الوافي للأبد , ’ هجـ،ـ،ـ،ــ الليل ـ،ـ،ـ،ـاد دمت بخير