[ALIGN=CENTER]
[poet font="Simplified Arabic,4,firebrick,bold,normal" bkcolor="transparent" bkimage="backgrounds/20.gif" border="inset,10,firebrick" type=0 line=200% align=center use=ex length=0 char="" num="0,black" filter=""]
والله انك لو قريتي قصة اسما ياسحايب
كان شفتي شوف عينك كيف تقدير الطفوله
كان شفتي كيف طفله سوت بروحي عجايب
وانقشت كلمة احبك وكتبت احلى مقوله
هو صحيح انك رحلتي يابعد كل الحبايب
اجلسي عندي دقايق لامتى وانتي عجوله
من سهرت الليل بعدك ماعرفت إلاالسكايب
لاتهادت في عطاها خجلت معنا الرجوله
حكمة الله والاجل مايعرف صغيرن وشايب
رحمتك والهم الاسود والشقا عنا تزوله
والله اني من بعدها كني فاقدلي قرايب
صرت انا والحب الاول بين صولاتٍ وجوله
من بعدها والمدينه من خرايب في خرايب
والحزن خيم عليها والفرح مقفي رحوله
لهمست باذني احبك صرت انا والشوق ذايب
وانزحت عني وراحت والفكر راح بذهوله
لسرفت فيني نظرها والهدب مثل الحرايب
شفت انا كيف العيون تقول شيٍ مانقوله
أه ياذيك الشوراع ياما جبتيلي وهايب
ياما شفت الورد يمشي والعطر ظله وزوله
واه من ذكرى حزينه ودعت ذيك الركايب
ودعتني وإستباحت عمري بعرضه وطوله
[/poet]وتقبلوا تحياتي
[/ALIGN]