تعبت اسقي ورود الغير و وردي ما عرفت اسقيه

[ماجد الدعجاني]

تعبت أكتب على اوراقك غرام وحضرتك تمحيه
تعبت اصبر وانا أتأمل تحس في يوم وش فيني


تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني




تعبت اسقي ورود الغير و وردي ماعرفت اسقيه
اطاوع قلبي المجنون واجني الهم بايديني


تعبت اشكي تعبت ابكي وجرح القلب كيف اطويه
وارجع وابتدي من اول وألملم باقي سنييني


تعبت اتامل اوصالك ودربك من كثر ما امشيه
تعب من خطوتي ورجلي ترا ماعاد تقويني



تعبت اقبل عزا في خافقي ياصاحبي وارثيه
حرام اشلون كل ما احتجت لوجود تخليني



ابا ارحل واوعدك قلبي اقص في لهفته رجليه
وابي ترتاح لاتسال بغير كل عناويني


وابا ابعد لاخر الدنيا مكان(ن)مستحيل اتجيييه
وابي تذكر غرورك لي وقف مابينك وبـيـــني



تعبت أكتب على اوراقك غرام وحضرتك تمحيه
تعبت اصبر وأنا اتأمل تحس في يوم وش فيني


تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني

[جزل]

حرام اشلون كل ما احتجت لوجودك تخليني

صح للسانك قصيدة رائعة . شكراً

[نورة 14]

قصيده حزينه

اخوي ماجد صح لسانك ولاهنت

تقبل مروري

[ماجد الدعجاني]

لا هنتم ومشكورين

[سقوط الى القمة]

ماجد الدعجاني ,,
يعطيك ألف عافية .. و ماقصرت ..

تقبل مروووري &&

[ماجد الدعجاني]

الله يعافيك اخوي ومشكور

[عبدالله الأحمد]

اخوي ماجد الدعجاني

صح لسانك على هذا النص الجميل

تقبل تقديري ومروري

[ماجد الدعجاني]

هلابك اخ عبدالله انت الاجمل