اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 14-06-08, 08:36 AM   رقم المشاركة : 1
محمد البرازي
مشرف سابق
الملف الشخصي







 
الحالة
محمد البرازي غير متواجد حالياً

 


 

exll للهدم بيت !!!!

للهــدم بيــت مجلســــــه دوب راعيــــه

اللي على طـول الدهـــــر ما يــــــرادي

بيت البخيــــل اللي كبـــار عـلابيـــــه

اللي ما هـو حاســــب لـدرب الســـــوادي

اللي ما حصـــل نفعتـــــه لو بنـاخيـــه

ناشـــي على درب الــردى والفســــــادي

للهـــدم بيــــت هـــك من دون ناصيــــه

صكــوه في وجـــه المســـــير عمـــــادي

ليا ســـمع صــوت على البـاب يــدعيــــه

قالـت ماهــو بالبيـــت ياللــي تنـــادي

وهــو وراهـــا مــرخــي كل اذانيــــــه

حتى يـــروح الضيــف كنــــه جمــــــادي

كلــه يخــاف انــه مســير يقــهويـــــه

عــن الجمالــــه كــن يحـــداه حــــادي

وللهـــدم بيـت ما يحــط الشـــحم فيـــه

ولا كرمـــوا بــه متعبيــن الشـــــــداد

بيت البخيـــل اللــي كثــــار مواشـــيه

مــن الشـــــحم ضانــه لهن اجتــــــلادي

وللعـــز بيــت دايــم النــاس تلفيــــه

ونجـــره على على طول الليــالي ينـــادي

بيــت الكريــم اللي على العــز بانيـــه

اللي ما صـــر القــرش والــرزق بــــادي

يفـــرح ليا جاء الضيـف باشـــر يحييـــه

ترحــيبــــة تغنيــــه عــن كــــل زادي

قــدم له فنجـــال اشـــقر مســــويـــه

يســـتنظـــر اللافيــن علـــم وكـــــادي

وكبش البخيـــل اللي مربيـــه يشــــريـه

يشـــريـه لو يغلى بســــــوق المــــزاد

ويقدمـــه والعـــذر طـــارف يبـاريــــه

ما حــط فخـــره بالثيــــاب الجــــدادي

وجــاره ليــا حــط الكرامـــه يناديـــه

يفــرح ليا شـــافه مــع البـــاب بــادي

لو شــــانت الأيام تضفــي حســـــانيـــه

يوم الــدهر وبينـــه لهـــم مســــتعادي

لو قيـل لــه فقـــران مالبخــل مغنيـــه

ولا ضيّــــع الأجــواد رب العبـــــــــادي

يالبيـــض درب الطيــب هـــذي مـواريـــه

ان كــان تبغـــن الرجـــــال الجيـــادي

شـــومــن عن اللي خاطــــره ما يعشـــيه

لــو كان مالــه كثــر حـــوم الجـــرادي

تـــرى عيالـــه ما تعـــدى مـــواطيـــه

الســــاس واحـــد والهــــداد الهـدادي

ياكــود من خـال يصلـــح الله بنــاخيـــه

والا فســــد مثل ابــن جـــار المهـــادي

والطيـــب ما كل العــرب تشـــتقي فيـــه

ونــو المطـــر ما عــم كـــل البــــلادي

والشــــر له عصبــــه تثيـــره وتحييــه

وتـوزم على الأجــواد ضـرب الهنـــــادي

يثيــــر راس الشـــر مــن لا يـــلاقيـــه

منــافقــي والا الكـــــذوب الربـــــادي

ولا كــل من شــــــال المهنـــد يحنيـــه

ولا كـــل من طــب المـــدارس ســــــتادي

ولا كــل من فتـــح عيونـــه تقديـــــــه

ان كـان قلبـــه منعمــي ما اســـــتفادي

والنـــاس كــل عقلــه اليـــوم مرضيـــه

مرضيـــه لـو انـه عـن الــدرب غـــــادي



محمد بن شلاّح








التوقيع :
لا إله الا الله

رد مع اقتباس
قديم 14-06-08, 08:42 AM   رقم المشاركة : 2
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

دائماً تاتي لنا با الثمين فلله درك

[align=center]

اقتباس:
للهــدم بيــت مجلســــــه دوب راعيــــه

اللي على طـول الدهـــــر ما يــــــرادي

بيت البخيــــل اللي كبـــار عـلابيـــــه

اللي ما هـو حاســــب لـدرب الســـــوادي

[/align]

[align=center]قمه

ابدااع

حكمه

اخوي / محمد البرازي

صح لسانك ولسان الشاعر محمد ابن شلااح

قصيده مليئه با الحكم والمرجله

لك كل التحاايا[/align]






التوقيع :

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:59 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم