بسم الله الرحمن الرحيم
بما اننا قريبين من بداية البرنامج وليس الا ايام قليله وتبدا المسابقة ارا ان هذا الموضوع سوف يخدم الزوار والاعضاء وموضوع جميل ويمكن من الادارة اذا كان هناك مشاركات كبيره ان تقسم كل موضوع اي كل شاعر لوحده في موضوع مستقل نبدا في الموضوع ولانريد الاطالة عليكم .....
(( الموضوع ))
[على كل عضو او زائر يريد ان يشارك بنبذة عن شاعره المفضل طبعاً الموضوع محصور على الشعراء المشاركين في مسابقة شاعر العرب فقط وهو ان يكتب كل عضو او زائر يسجل في المنتدى ويشارك بموضوع يخص الشاعر الي يعرف عنه كل شي عن قصائده والبطاقة الشخصية كي نتعرف على اكثر الشعراء الذين سوف يشاركون من اي قبيلة
ولانخفي ان بعض الشعراء لانعرفهم الا بقصيدة واحدة او بيت مشهور وهنا نريد ان نتصفح جميع ماكتب او بالاحرى الذي يكون بقدورنا الوصول اليه من قصائد
اولاً : سوف ابد انا وذلك بما انني الذي بدائة في الموضوع وتأكيد لكلامي السابق اننا في هذا المنتدى لانريد ان نختصرها على
منتدى حفرالباطن كما تفعل بعض المنتديات سوف ابدا واصادق على كلامي بهذا الشاعر العملاق البحر الذي لم ولان ارا شاعر يكتب في زمنا هذا وعصرنا الحالي وانا من متذوقين الشعر الجزل ونظرتي ماتخيبني في مدحي لهذا الشاعر من دون قاصر في كل الشعراء ومدحي له لايضر احد 000 واكيد طولت عليكم بمدح هذا الشاعر يمكن من حبي له يمكن ايضا من اعجابي له وهو
(((((( الشاعر البحر الجزل الداهية / عبدالله بن زويبن المعمري الحربي ))))))
سيرة الشاعر ( هو عبدالله بن زويبن بن بطي من المعامرة من بني عمر من حرب 0000 واحد من اهم شعراء المملكة العربية السعودية ومنطقة الخليج 0000
ورث الشعر من والده زويبن بن بطي المعمري ( رحم الله تعالى ) وصقل موهبته الشعرية من خلال مجالسته لكبار الشعراء وهو لم يبلغ الخامسة عشر من عمره0000
كتب في الحكمة فجاءت ابياته درر ذهبية ... وكتب في المدح فتباهى المستمعون قبل المعنيين بالامر ... كتب في الغزل
فتغنى العشاق بقصائده المليئة بأحاسيس المحب ..كتب في الرثاء فبكت الحروف قبل المدامع
اليكم هذه القصيدة اللتي ابهرت الشعراء ومن نوادر الشعر بمعانيها الثمينة والقيمة وامتدحها الشاعر الكبير والمعروف غازي بن دخيل الله بن عون العتيبي
واطلق عليها أسم ( الدرة ) وأشاد بها في قصيدة ب17 بيت ونذكر منها 4 ابيات
فأليكم هذه الروائع :
قـــصـــيـــدة ابـــــــــن زويــــبـــــن :
سمعت لي كلمة مـدري وش اقصاهـا
حـزة بصـدري وانـا مانـي بهارجـهـا
لـوكـل كلـمـةِ الـيـا جـتـنـا طـردنـاهـا
بـعـنـا الثمـيـنـه بـسـعـرِ مايخـارجـهـا
لــو مــرت السـمـع ماكـنـا سمعنـاهـا
ونقـفـل الـــراس عـنـهـا لايبرمـجـهـا
ومـــن يـــم هـــذا لــهــذا مانقـلـنـاهـا
والنـاس واجـد وتلقـى مــن يروجـهـا
مــن جابـهـا بـيـن خـلـق الله ووداهــا
لوبـه مراجـل تـرى روحـه يسمجـهـا
من عامل النـاس فـي سابـق خطاياهـا
يقـعـد بــدار خـــلا مـــاداج دايـجـهـا
فـي كنـةِ يشـوي الجربـوع رمضاهـا
تابس غصون الشجر من حر واهجها
وان كـان نفسـك هواهـا قــام ينحـاهـا
حط الأعنه بـروس الخيـل وأسرجهـا
وفـكــر بمنـكـافـهـا قــــدام مـغـزاهــا
واضـرب حساباتهـا وتشـوف ناتجهـا
اربع ابيات من قصيدة غازي بن عون :
يابـن زويبـن بعـصـر العـلـم والــذره
انتجـت لــك درةِ يصـعـب مجـاراهـا
مابـه حـدِ فـي مجـارى ركبهـا شــره
ومــن فــز يبرالـهـا مـاهـوب ويـاهــا
فـرعِ مـن الحسـن ومـن التيـه منغـره
ذبـــح زمـيـلـك تمـايـمـهـا وسـمـاهــا
مـن حسنهـا اليعربـي سميتـهـا الــدره
تلـيـق بـأسـمِ يـلـيـق ابـهــا ويـزهـاهـا
*ثاني قصائده التي أحببت ان اضعها بين يديكم قصيدة في الحكمة يسندها على ابنه بدر
ياعزوتي يابدر مااقرب حضايبـك
على الخطا والصبح حبك نقـازي
نوب تنسينا الشقا فـي عجايبـك
ونوب تولعهـا بليفـة وقـازي
ادناة مايرضيك وأدناة مااغضبـك
تلقط الغلطلـت لقـط الجهـازي
ماهي عداوة يوم اطالبك واضربك
أنته حفيد جدودنا ماانـت نـازي
لاشك انا يابدر ابنصحـك وادبـك
واعطيك عن كل المعاني أجـازي
تلقى فوايدها ليـا خـط شاربـك
بها على كل الوصايـا أمتيـازي
خلك شمالي عند زلـة قرايبـك
وعلى الحقوق الليا نصنك حجازي
لاتذخر المذخور من دون واجبـك
اوف الحقوق اللازمات بنجـازي
للضيف والجيران ليّـن جوانبـك
وبالطيب جاز وبالردى لاتجـازي
احلم على زل رفيقـك وصاحبـك
ادمح خطاهم لاتصيـر انتهـازي
يابـدر والله ماتخونـك مناسبـك
لك منسب طيب وساس عـزازي
أفرح ليا قالوا هاك العود جاذبـك
يصير عندي مفخرة واعتـزازي
*وهذه قصيدة اجتماعية يتحدث فيها عن موضوع معين في نفسه
لي حاجة عيت تحقـق مـن العـام
عيا يطيب الحـظ لـو قلـت أظنـه
يفـز فـزة غاتـر عقـب مـانـام
جنـه حلـوم مزعجـه وأيقظـنـه
وجدي على تحقيقهـا وجـد صـدام
علـى يديـن بـالـولاء بايعـنـه
وبلاده اللـي ماعرضهـا للاسـوام
وعرش الرئاسة والجيوش المرنـه
اللي قذايفهـا تعـدت ورى الشـام
شاميـر يـوم ولايتـه روعـنـه
وبيوته اللي من سيراميـك ورخـام
خطط وصممهن علـى كيـف فنـه
ماتنتـعـدد تكلفتـهـن بـالارقـام
ماهـو مواطـن عايـدي يبهضنـه
حاكم من الحكـام ويصـدر الخـام
دار السريـة والــدول يدعمـنـه
متريّس له دولـة شعبهـا اقسـام
ويلعب على القسمين شيعه وسنـه
مخلـي ٍ شيخانهـم تقـل خــدام
يمشون خلفه خوف ماهـو محنـه
ملا البيوت مـن الارامـل والايتـام
وملا السجون المظلمـة والمجنـه
ياليـن طشنـه مقـاديـر الايــام
مـن النجـوم النايـفـة نزلـنـه
مثل الوليشة بين عـدوان الاسـلام
من كـل صـوب كلابهـم ينهشنـه
او وجد عـود يرتكـي كـل ماقـام
على كفوف يديه مـن كبـر سنـه
الليا غفل بايامـه الماضيـه هـام
والليا انتبه من غفلته ( جر ونّـه )
من عقب ماهـو للمغاويـر مقـدام
الليـا غـزا صـم الرمـك يتبعنـه
ومروبع يزمـي مثـل عـز لـزام
الليا اقبلن شيـب الغـوارب نصنـه
بظهورهن ربـع كريميـن وحشـام
الليـا جذبهـم صـوت نجـر يدنـه
يجذب له الغايـب وسمـوه عـزام
من كثـر مايجـذب شراريـب بنـه
اليوم كل اللي بقـي جلـد وعظـام
والمال خمس اشياه والبيـت عنـه
ولاله عيال ينصرونه الليـا انظـام
الا بنـات ٍ بالهضاااايـب شـونـه
ياقلـب خلـك للروابـع والاوهـام
رفيـق درب وكـل هــم ٍ تبـنـه
والا انتفض واربط محقـاك بحـزام
وعن قوم ( وش سويت ) خافيك كنه
والشر عنك خـلاف والخيـر قـدام
والصبر في وقـت المعانـاة سنـه
وهذه قصيدة غزلية ( ان كان تنشد عن علومي وانا صبي ) هذه القصيدة التي تغزل فيها الشاعر عبدالله بن عون
إن كان تنشد عن علومي وأنا صبي
ابتذكـرهـا واعلـمـك عـنـهـا
لو هي بصفحات ٍ طواها الزمن طي
جرة مطر جاهـا عجـاج ودفنهـا
ألعب طواريق الهوى مع هل الغـي
اثقـل المعنـى واخفـف لحنـهـا
والشعر يبقى في قلوب العرب حـي
ولا كل من سوى القصيـدة تكنهـا
وأنا حداها حدي الاصعـاب بعصـي
واقودهـا قـود الاديـب برسنهـا
والحب مردوده على صاحبـه سـي
كم ضحكـة ونَـات قلبـي ثمنهـا
أذكر سنة تسعه وتسعيـن هجـري
الـف وثلاثميـة بدايـة زمنـهـا
زلت بي الاقدام للشمس مـن فـيَ
اقـدار والاقـدار تومـر وتنهـى ّّ
غافل وجتني من كوت خافقي كـي
كية عطـب لـولا طبيـب مكنهـا
أبعدت مضربها عن الصـدر بيـدي
ولدَت على كبـدي برمـح طعنهـا
وعرفت ماتخفيه في صدرهـا لـي
من واقع النظـرات منـي ومنهـا
نظرت فيهـا مثـل نظراتهـا فـي
وعجزت اقاومهـا وصديـت عنهـا
كل النساء ظلماء وهي بينهن ضـي
غطت شعاع الشمس أشعـة بدنهـا
من الذهب تلبـس خلاخيـل وحلـي
سـود محاجرهـا وحمـر وجنهـا
مدري تسمى من ومنين ومـن أي
وش هي قبيلتهـا وموقـع سكنهـا
راحت وانا مااعرف من اخبارها شي
الا رمـوز الموتـر اللـي حضنهـا
مدينة من بيـن ابـو ظبـي ودبـي
لعلهـا كاننـهـا هــي وطنـهـا
تمطر عليها السحب هـذي ورى ذي
وديـم الليـا قفـى تراهـا ودنهـا
الشاعر الكبير / عبدالله بن عون وهو شاعر غني عن التعريف لم يمسك نفسه امام هذا الشاعر المعجزة وتغزل في احدى قصائده الا يستحق هذا الشاعر الاشادة000
رد ابن عون على قصيدة ابن زويبن ( ان كان تنشد عن علومي وانا صبي ) ويقول ابن عون
ياحي عـذب القيـل ياحـي ياحـي
المهنـة اللـي قـل مـن يمتهنـهـا
اقفال ما يدخل على اسرارهـا عـي
اللـي يخبـز السالفـة ويعجنـهـا
جواهـرٍ قلبتـهـا بـيـن أيــادي
وعجبت فاللي مـع بعضهـا قرنهـا
واللـي تبناهـا وموضوعهـا نــي
واللي على افضل ما يناسب وزنهـا
جتني وانا غربي دراويـش وهبـي
في ديـرة جعـل الغشيـن ايغشنهـا
مثل الهنوف اللي عليها اجمل الـزي
اللي مشاحـن جيلهـا مـا شحنهـا
حيث ان الاولى هي والفايـزة هـي
ولا قد وخذ عنـد المراهـن رهنهـا
وعنها نشدنـي واحـد مـن بنيخـي
قلت انشدوا عنهـا مديـر امخزنهـا
لابـن زويبـن فوقهـا طابـع حـي
ويكفي كتابـة رمزهـا عـن علنهـا
ولا ادري تسمى هند والا اسمها مي
والا تسمى باسمهـا اللـي ضمنهـا
عند المواجـه يـوم حلـت حوالـي
حبيـت منهـا مابـدا مـن لدنـهـا
ويوم المليحة حركت لـي طـواري
من حسن جوهرها وطيـب امعدنهـا
نويت اجاريهـا لـو اقـدام رجلـي
حفيا وهي يتعـب مجـارى ضعنهـا
ولديت اشوف اللي بقى في مخابـي
واللي بوسمه صاحبي مـا سجنهـا
وإلا سميـي لاوٍ أرسانـهـا لــي
لين اذعنت له طايعـة مـا شطنهـا
طرايف من مـآردٍ عـذب ورهـي
ما هـو هجـاج كـل كبـدٍ وسنهـا
المآرد اللـي يكتفـى منـه بشـوي
مثل الـدوا لا جـاء فتـوقٍ وشنهـا
لا صار عذبٍ ماه ورهـي ورخـي
بصر العـدود مهلكـة مـن قطنهـا
وهذه القصيدة : ( إبليس لولاه كل الناس بالجنة )
يـا مـل قلـبٍ هواجيسـه يسجنـه
سج النضا بالمطـارق والمشاعيبـي
هن ودهن كل روضٍ زيـن يرعنـه
وهم ودهم المساء عـن المعازيبـي
يوم انتهاء كل ما بالخـرج والشنـة
تواعـدوا بيـت نطـاح المواجيبـي
شيخٍ صدى صوت نجره كل ما دنـه
يقنب بروس النوازي قنبـة الذيبـي
يرخص خروفه ولا يبخل على بنـه
ويشكر ويذكر ليا عدوا هل الطيبـي
تريحـن وأمرحـن يومنهـن جنـه
وأنا الهواجيس تسرحبي وتسريبـي
راحن بقلبي ولا أدري ويـن ودنـه
أخذت في جوهـن غفـوة وتغييبـي
سجيت معهن علـى فلـمٍ يعرضنـه
عن غيب بعض القرايب والأصاحيبي
ابليس لـولاه كـل النـاس بالجنـة
لاكــن يلعبـنـا راع التلاعيـبـي
يا شين بعض الأوادم لو ضحك سنه
يضحك بوجهي ويشذب في عراقيبي
واللي ليا غبت غوجه للطـرد عنـه
وجرد سيوفه عطيبات المضاريبـي
هجرت كل الـدروب اللـي يمرنـه
أخير لي من مجيه ، عنـه تجنيبـي
ولو ما أقتدي في كتاب الله والسنـة
خليت كلٍ على دينـه يصلـي بـي
وايضاً هذه القصيدة
سمعت لي كلمة مدري وش اقصاهـا
حزت بنفسي وأنـا مانيـب هارجهـا
لوكـل كلمـة إلـى جتنـا طردناهـا
بعنـا الثمينـة بسعـر مايخارجـهـا
لو مـرت السمـع ماكنـا سمعناهـا
ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا
والناس واجد وتلقـى مـن يروجهـا
من جابهـا بيـن خلـق الله وداهـا
لو به مراجل تـرى نفسـه يسمجهـا
ومن عامل الناس في سابق خطاياهـا
يقعـد بـدار خـلا مـاداج دايجهـا
في كنة تشـوي الجربـوع رمضاهـا
وتابس غصون الشجر من حر واهجها
والناس بالحق حكم الشيخ ما أرضاها
ماتقنع النـاس لـو انـك تحججهـا
ياللي تبـا الطيبـة خذهـا وعطناهـا
وخـل الطريفـة طريـة لا تثلجـهـا
وأقضب طريق الأوادم وامش ممشاها
أتبع دروب العـرب وأدرج مدارجهـا
وأرسـم لنفسـك حـدود ولا تعداهـا
من حط نفسه بدرب الضيق يحرجهـا
وان كان نفسك هواهـا قـام ينحاهـا
حط الأعنة بروس الخيـل وأسرجهـا
وفكـر بمنكافهـا قــدام مغـزاهـا
واضرب حساباتها وتشـوف ناتجهـا
وكل بعضده يمـوح الدلـو برشاهـا
وتلقى كبود الضوامي مـن يبرهجهـا
وان كان توك على صـدرك تهجاهـا
حنـا ترانـا نـدرس فـي مناهجهـا
مـن يـم مصباحهـا نبعـد معشاهـا
إلـى قعـد راعـي الضلـع يدرجهـا
لو هي صعيبة إلى انعاجـت عدلناهـا
واللي تجي مستقيمـة مـا نعروجهـا
نهتـم فـي وزنهـا وابـرام معناهـا
ومـن الكرستـال واللولـو نتوجهـا
مثـل الجواهـر ليـا منـا نضمناهـا
وسلوكها من جديد الـزري ننسجهـا
مخايـل تردتـدم والصـدر منشاهـا
لا دك بالـبـال داكــوك يهيجـهـا
وليا أمطرت ضاقت الوديان في ماهـا
تاخذ إلى الحول ما يبسـت مدالجهـا
وان صدت الناس عنا ما أعترضناهـا
مـا تقفـي النـاس عنـا ونتولجهـا
وإن جاتنا الطيبـة بالطيـب زدناهـا
الطيبـة بالعسـل والسمـن نمزجهـا
وان جاتنا الثانيـة نصبـر ونرفاهـا
يمكن إلـى فـاق راعيهـا يعالجهـا
وان عادهـا عـودة ماعـاد ينساهـا
من حربة في صميم الصـدر نولجهـا
مسمومـة يبلـش الدكتـور بدواهـا
مايقنع الخبـل ليـن أنـه يلامجهـا
وهذه أيضا إحدى قصائد الشاعر عبد الله بن زويبن :
يا وجودي وجد مجروح الفـوادي
من هنوف ثوبها يجـرح نهدهـا
شافهـا بالملعبـة يـوم العيـادي
طشت الشيلة و ماحت في جعدهـا
كنهـا بالملعبـة صفـرا تـرادي
بالحبـال اللـي ملـواتٍ عقدهـا
سمعت أصوات العزاوي والهنادي
من عياطير السطر يطفر زبدهـا
تحتري شيـخٍ يقـود ولا يقـادي
منكفٍ بطماعـةٍ لحقـوا طردهـا
لحقوا الفرسان بظهـور الجيـادي
وكل راعي مهرةٍ ركـب ولكدهـا
لابةٍ تقلط علـى جمـع المعـادي
مير ربي عاقها وأطفـى سعدهـا
خيلهم يم الخـلا عقـب الطـرادي
ما تبقي مـا يبقـى مـن جهدهـا
روحت مثل النعام امـع الحمـادي
يوم سمعت صوت خيالٍ رهدهـا
بنت شيخٍ مـا ينافـس بالشـدادي
كلمتـه كـل القبيلـة تعتمـدهـا
ما تلد بعينها في شخـص عـادي
ولا يسود الغابة إلا حكـم أسدهـا
أتفق معها علـى غيـر الفسـادي
ايتزوجهـا وياخـذهـا بيـدهـا
فوق خبرا جمعـت كـل البـوادي
كل من علم بهـا شـد ووردهـا
سيلتها يـوم هـل قـران حـادي
مزنةٍ كبر القطاة أصغـر بردهـا
وكل مدة قيضهم والوضع هـادي
وأن حصل له فرصة جدد عهدهـا
لين قام الحـر ينقـص والبـرادي
يتزايد والمـزون أوحـم رعدهـا
ناحرت لديارهـا قطـم التـوادي
أورحت ريح الحيـا يمـت بلدهـا
وأرسلوا عساس للعلـم الوكـادي
ثم جاهم فـي علـومٍ مـا بعدهـا
ما بعدها غير صوت اللي ينـادي
وكل راعي خيمـةٍ شلـع وتدهـا
وقربوا حمر الونيتـات الجـدادي
والبيوت السود طاروا في عمدهـا
أستخفـوا تقـل قافيهـم هجـادي
كل ما جو مصغرٍ شالـوا ولدهـا
مالهم يم الغنـم شـف ومـرادي
مـا شقـوا بنعيمهـا ولا نجدهـا
روحت قطعانهم مثـل الجـرادي
تتعب الحساب ما يحصي عددهـا
والهوى معروف شيٍ لا إيـرادي
والنتيجة موسفة ما أحـدٍ حمدهـا
يتسرب مع حـلاه مـن المبـادي
سم حية والفـراق أمـر وأدهـى
لو صبر راع الهوى صبر المهادي
الجروح تبيـن لـو أنـه جحدهـا
أنطلق مع دربهـم حاديـه حـادي
وكل ما جاء نزلةٍ مـر ونشدهـا
لين بـاد ولا لقـى علـمٍ وكـادي
باهت الأخبار عنهم مـا وجدهـا
كنت غادي وأحسب المدّل غـادي
والنتيجة تنكشف لو طـال أمدهـا
كنت أغني مـع مغنـي يابـلادي
وأحسب أن اسمي مسجل في سندها
لين عرضت للمسـاوم والمـزادي
عكس ما جاء في كتاب اللي مهدها
ايضاُهذه قصيدة غزلية للشاعر الكبير بن زويبن الحربي
ياسعود عسى داركـم عمهـا السيـل
عقب البروق اللـي تكاشـف جهتهـا
عطنـي جميـع اخبارهـا بالتفاصيـل
عسـى الرجـوع التالـيـة سيلتـهـا
لعلهـا دايــم تـصـب الهماللـيـل
علـى الفـروع جبالهـا واوديتـهـا
دار ربـو فيهـا الرجـال المشاكيـل
من ماضي الايـام مـا احـد شمتهـا
حمايـة الخايـف وصبابـة الهـيـل
وعوق السمين الللـي تمـوح ذنبتهـا
لو كان ما رجي من وراها محاصيـل
مير الرجـال تحـب مـن سامعتهـا
وفي ضفهـم راع العيـون المكاحيـل
اللـي يـذوب القلـب مـن سلهمتهـا
إلى اقبلت قـام يتكفكـف دجـا الليـل
كـل الـديـار المظلـمـة نورتـهـا
وإلى ادبرت غطت جسدها المجاديـل
بيـن الخلايـق لـو تعـرى كستهـا
أن كفتـه مثـل الغصـون المحاميـل
وان فلـتـه قــام يتثـنـى تحتـهـا
كنه سبيب اللـي ليـا ماحـت الذيـل
راسـه تعـدى راسـهـا وارقبتـهـا
صفرا وهي بعذارها سمعـت الخيـل
اشد من ضـرب الدفـوف أرجفتهـا
وقامت تشيل بنفسهـا بالسمـاء شيـل
وصاح النذيـر وسبـق الخيـل جتهـا
خيالهـا دايـم علـى خصمـه الميـل
إلـى فـرق رجليـه عـن معرقتهـا
شيـخ مضريهـا لنـطـح المقابـيـل
صـوب الخـلا بعنانـهـا ماعفتـهـا
تفرح بـه اللـي ماروراهـا رياجيـل
وصكت عليهـا خيـل قـوم وخذتهـا
قـوم تقـفـوا جلـهـا والمخالـيـل
أقفـوا علـى خلفاتـهـا واجنبتـهـا
وابطـت فـزوع مسحبيـن الشماليـل
وجاء من يـرد البـل علـى راعيتهـا
عن كبدها يجلـى الصـدا والبهاذيـل
إلى لفت فيـه الصـدف مـن بختهـا
ونادى لهـا يـام الحلـق والخلاخيـل
ويـن اتجـاه القـوم يـوم اقتفتهـا ؟
وقامـت بذرعـان زهتهـا المفاتـيـل
تنعـت وراهـم ليـن وكـد نعتـهـا
وقامت تزغـرد بالغنـاء والمواويـل
وجاه الدهاش وشاش مـن غطرفتهـا
ولحق بسيـفٍ لمعتـه مثـل الأستيـل
وصفراً إلى جات الحلاة أطمرتهـا !!
وأومى بهم مثـل الهـوى بالمخاييـل
وضاقت بهم جـرد السهـال وسعتهـا
من راح ماعود ومن طـاح مـا شيـل
وقطم الحذا راجـت عليهـا غبرتهـا
فيما مضى واوردتها ضـرب تمثيـل
لوكـان دورات الزمـن كـد محتهـا
دنيا تفـرق شمـل جيـل بعـد جيـل
قدامـنـا كــم عـاالـم فرقـتـهـا
دارت بنـا الايـام مثـل المحاحـيـل
عنهـا نحـت فيـه وعنـي نحتـهـا
نحت ولاجتنـي خطـوط ومراسيـل
وإلـى كتـبـت رسـالـة ماقرتـهـا
لاكـن قـرار الحـب مافيـه تعديـل
لو عشت بالدنيـا إلـى آخـر سنتهـا
يبقى على ما كان لـو طالـه الطيـل
رسـمٍ بذاكرتـي وفــي ذاكرتـهـا
هاض الضمير وقلت من عر ض ماقيل
واخير مـن سـرد العلـوم اثمرتهـا
اختـرت ماتصصلـح عليـه التعاليـل
عند الرجـال اللـي تصـوغ أمثلتهـا
بعض الرجال يقابـل الكيـل بالكيـل
وبعـض الرجـال تحدهـا معرفتهـا
والنـاس بالللـي ماتعرفـه جهاهيـل
ويبيـن غـيـب قلوبـهـا بالسنتـهـا
وتعـرف فصيلـة دمهـا بالتحالـيـل
وتبـيـن جنسياتـهـا مــن لغتـهـا
ايضا هناك قصائد كثيرة ولكن اردنا ان نورد بعض القائد التي تستحق الاشادة وقصائد الشاعر عبدالله بن زويبن بصراحة كلها تستحق الاشاده وانتظرو هذا الشاعر العملاق في البرنامج وشوفو ماذا سوف يعمل وتذكرو كلامي والتوفيق للجميع انشالله
وشكراُ واتمنى انني اتيت بموضوع جيد ويليق بمقام الاعضاء والزوار
والسلام عيكم ورحمة الله وبركاته
العرض العادي
