قصيدة بالشيخ الكريم:
فرحان بن نايف الفيصل الجرباء
( ابو هاك)
ياللي ورثة المرجلة والزعامه
حتى وصلك ذكرك لخشم الغمامه
ومن بين ربعك ما غشتك الملامه
ومن جاربك يرجع سمين(ن)ومليان
فرحان ابن نايف ويا متلف الجيب
انت الثبات ليا عوا الذيب للذيب
سبحان من صفك عن اللو والعيب
شيخ ولد شيخ(ن)وجدك كحيلان
من طيب ذكرك نفتخر بالقبايل
وجمايلك صارت لنا هي جمايل
وافي على كل العرب بالخصايل
ويضربك العازات من كان بحلان
في ميلة عقالك عدل كل ميله
ولطمت في وجه العدا كل عيله
وشلت الذي غيرك عجز لا يشيله
عدله موازينك بدقه ورجحان
ودنياك يا فرحان بيدك عمرته
كم ليلت(ن) لجل المعالي سهرته
وكم بالمخاطر من شعيب(ن)حدرته
وجبت الذي جابه ليا زام سرحان
وقفت في وجه المحن والرزايا
وعلمتهم يا شيخ معنى العطايا
وضيفك يصدر: والمخابي ملايا
والبيض تعجز ما رمت مثل فرحان
شيخ(ن)على كل المعالي تعلا
ومن لاذ به ما صد عنه وتخلا
جزل الوهايب ما يكل ويملا
للطيب ليله ما رقد فيه سهران
ولع سراجه يوم حل الظلامي
وهد الصعايب يوم شد الزحامي
موجه طغى من سطوته كل طامي
عليه من وسم المناعير نيشان
دايم مكانه بالقمم والصداره
ومن طيب قلبه نستشف الطهاره
ومن قو باسه ماتزحزح جداره
مدرار في جوده كما المزن هتان
يابن الكرم واقبل بيوت(ن) بشرواك
والهاك ما لاقت على غير يمناك
قطرت بحر عديتها من مزاياك
والباقي أعظم ياهل العرف والشان