مطلوب افضل محل لتصليح مكيف السيارة

[اًبو خالد]

السلام عليكم

اريد افضل محل ويعرف كل شي عن مشاكل مكيف السيارة

عندي مكيف السيارة مايبرد زين وكل محل يقول معاك شي خربان صرناء مانعرف ايهم الصحيح

نبي الفزعه اي واحد يعرف محل مظبوط وشغله مجرب يعطينا مكانه .

[محمد ح.السبيعي]

ياطويل العمر أفحصه كمبيوتر ويقولك كل شي فيه
مجربه قبل أمس وقالي فيه كذا وكذا وكذا وصلحته عند باكستاني
مقابل تنجيد الهادي من جهت الشرق وشغله كويس << الموتر فورد >>

[عواد الشمري]

محلات واجد منها على طريق الكويت ..

[اًبو خالد]

اقتباس: المشاركة الأصلية كتبت بواسطة محمد ح.السبيعي    ياطويل العمر أفحصه كمبيوتر ويقولك كل شي فيه مجربه قبل أمس وقالي فيه كذا وكذا وكذا وصلحته عند باكستاني مقابل تنجيد الهادي من جهت الشرق وشغله كويس << الموتر فورد >>

مشكور اخوي محمد ح.السبيعي

لكن سيارتي ددسن 2006 يصلح يفحصه كمبيوتر

وماهو اسم المحل ؟؟

[ابوبداح الحربي]

[align=center]صدق اخوي محمد السبيعي الباكسستاني الي جنب الهااادي للتنجيد وشغله ممتاز مضبط عنده جيب سفاري

ولكن عندي باكستاني ثاني على طريق الشمال(ابوقعر)

رابع محل مو من المحطه من الجهة الثانيه احسب رابع محل اسمه [رمضان؟!]

وموفق خير[/align]

[الامير الفقير]

اخوي انا معي جيب لكزز

المكيف انعطب ماعاد يبرد وكل ماامر محل تصليح مكيفات قالو لي لازم تغير الكمبرسل

وياطويل العمر واروح اغير الفلتر عند واحد تركي صراحه قمه مايحضرني اسمه

--------------------

لكن انصحك غير الفلتر وبس عند اي محل لتصليح المكيفات

[MR.WOLF]

فيه باكستاني يمين أشارة شارع المطافي الي حول مسجد المحيميد له أكثر من 25 سنه موجود وخبرة بالتكييف شكله شنبه طويل وتراه خبره

والاخوان ترى فحص الكمبيوتر بالحفر خرطي أنا معي دبلوم ميكانيكا وعارف كل شيء الكمبيوتر شغلته يرسل أشاره الى الحساس اذا حصله صالح يرجع لك اشاره بانه مابه شيء أما اذا خربان يرد لك اشارة دايسبلي يعني معطل ولا تعتمد على الشغلات هذي

أنت مر الباكستاني وباذن الله أمورك محلولة

[اًبو خالد]

مشكورين وماقصرتو

لكن شارع المطافي وين بالضبط ؟؟

[al-radar]

[align=center][align=center][align=center]

اقتباس: المشاركة الأصلية كتبت بواسطة اًبو خالد    السلام عليكم اريد افضل محل ويعرف كل شي عن مشاكل مكيف السيارة عندي مكيف السيارة مايبرد زين وكل محل يقول معاك شي خربان صرناء مانعرف ايهم الصحيح نبي الفزعه اي واحد يعرف محل مظبوط وشغله مجرب يعطينا مكانه .

ابو خالد وعليكم السلام والرحمه

1 - الباكستانيين غشاشين محترفين

2 - دور لك فلبيني أفنس ابرك منهم

3 - عراوي مافيها فلتر مكيف خلقه

4 - عندي لك وانا اخوك فكره بلاش

وهي ايش رايك تركب مكيف صحراوي

مثل المطنوخ راعي السياره شوف الصوره



اخوك ومحبك الرادار من القيصومه[/align]
[/align][/align]

[MR.WOLF]

اقتباس: المشاركة الأصلية كتبت بواسطة اًبو خالد    مشكورين وماقصرتو لكن شارع المطافي وين بالضبط ؟؟

وأنت جاي من طريق الكويت بعد الكبري بعد حلويات ليالي الشرق ثم يجيك تمور المملكة ثم المحمود للدابات وبعدها طوالي أشارة المطافي لف يمين تحصل على يمناك على طول فنيين كهربائيين واجد من ظمن المحلات باكستاني شنبه طويل يشبه سعف النخل

مابقى محل مازرته سابقا الي يعبيلي فريون والي ينظف لي الفلتر والثلاجه لين طفشت وجابلي الله هالادمي ومن ذاك اليوم ماصلحت شي بالمكيف غير تعبئة الفريون من موسم الى موسم وصارله حاليا سنتين تمام

وقبل كل شيء أفحص التهريبات لايكون فيه تهريب في خرطوشات التكييف والمواصير وربي يفرجها عليك