ليتهم يوم ادفنوني ادفنوا ذيك العبايه ~

[برووق السحايب]

[align=center]قصيدة جميله تحتوى في طياتها على عظه وعبره

7

7

7

قِصَّتي حُزن ومَرَارة ** تِحكي عن سارة الفتون

لبسهاعالموضة دايم ** والعباية بكل لون

العطر فوَّاح منها ** والكحل غطَّى العيون

تقول: (إيماني في قلبي ** لا تسيؤن الظّنون)



يا شَريفة يا عَفيفة *** لِيْه رشِّيتي العطر؟؟

يالِّي أهدافِك نَظيفة *** لِيْه جمَّلتي الثَّغر؟؟

لِيْه لِسِيقانِك كَشفتي *** ولِيْه لِشَعْرك والنَّحر؟؟

ليه خصَّرتي العَبَاية *** لِيْن أبْدِيتي الصَّدْر؟؟



شافوا سارة رجال حِسبة ** كلَّموها وانصحوها

مخافة الله ذكَّروها ** ومن عذابه حذَّروها

أم سارة خاصمتهم ** واشتكتهم لأبوها

والأب اللاهي تكلَّم : ** (بنتي حُرَّة اتركوها)



مَرَّة سارة خارجة ** من بيتها ويَّا الرفيق

اصدمتهم شاحنة ** في حادثة وسط الطَّريق

من عُقب مَلْهَى ومَقْهَى ** صاروا في قبرٍ وضِيق

وصاروا عبرة لكلِّ عاصي ** علُّه من غيُّه يفيق



الشباب في كلِّ مول ** ما دَروا شِي الِّي جَرى

وين سارة ؟؟ يسألون ** موت سارة ما طرى

ما دَروا إنِّك يا سارة ** غيَّبوكِ في الثَّرى

ما دروا مين الِّي باع ** وما دروا مين اشترى



كَمْ فسَدت وكَمْ غويت!! ** ما سلكْت درب الهِداية

ليْت ربِّي ما عَصيت!! ** ليْت ما طِعتك هوايَ !!

ليتِني يوم إني مِتْ ** ماتَت ذنوبي معايَ !!

ليتهم يوم ادفنوني ** ادفنوا ذِيك العَبَاية !!



ليْت أبويَة يوم جوني ** قال يا بنتي خطيتي !!

ليْت ما طِعْتيني يُمَّة ** ولعَباتي ما شَريتي !!

ليْت لأفعالي نهيتي ** ولعذابِي ما سَعيتي !!

ليْت حَرَّصْتي عَليَّ ** ليْت عنِّي ما غفِيتي !!



ماأدري وِش بألقى يَا يُمَّة ** يُوم نُومي في القُبور !!

ألقى حُفْرة وإلاَّ روضَة ** ألقى ظُلْمَة وإلاَّ نور !!

ألقى نار وإلاَّ جَنَّة ** ألقى ظِل وإلاَّ حَرُور !!

آه مِن دُنيَا الأماني ** آه من دُنيا الغرور



لِيْه تِبرَّجتي يا سارة ؟؟ ** ما قَريتي في الكِتاب ؟!!

السُّوَر أنزلها ربِّي ** فيها آيات الحِجاب !!

لِيْه بِحُكْمُه ما رضيتي ؟؟ ** لِيْه جانبتي الصَّواب ؟؟

لِيْه تِكَبَّرْتي وعَصِيتي ؟؟ ** ما تِذكَّرتي الحِساب ؟!!



يا بَنات في كِلِّ دِيْرة ** لا تسَوُّا مِثل سارة

التَبَرُّج والسُّفور ** هوَّعِنوان الخَسارة

الحِجَاب هوَّ الرُّقي ** والتَّقدًّم والحضارة

الحِجاب تَقْوى وعِبَادة *** الحجاب عِفَّة وطهَارة



ما نقول حِجَابنا ** تَقْليد وعَادة ما نقول

ما نقول هوَّ خِيْرَة ** نِتَّبِعْها أو نِحُول

ما نقول قولٍ على ** قول ربِّي والرَّسُول

ما لنا إلاَّ الرِّضى ** بشَرْع ربِّي والقبول [/align]

[كرسي مدرسة]

فعلا قصيده معبره لاهنتي على النقل الجميل اخت برووق تقبلي مروري

[al-radar]

والأب اللاهي تكلَّم : ** (بنتي حُرَّة اتركوها) 00
لاهنتم 000 بروق السحايب 000 وجزيتم خيرا 000 اخوكم 000 الرادار 000 القيصومه 000

[ناجي الحفراااوي]

لِيْه تِبرَّجتي يا سارة ؟؟ ** ما قَريتي في الكِتاب ؟!!

السُّوَر أنزلها ربِّي ** فيها آيات الحِجاب !!

لِيْه بِحُكْمُه ما رضيتي ؟؟ ** لِيْه جانبتي الصَّواب ؟؟

لِيْه تِكَبَّرْتي وعَصِيتي ؟؟ ** ما تِذكَّرتي الحِساب ؟!!


.

.

قصيده فعلاً معبره ومحزنه.

يعطيك العافيه بروق السحايب على هذا الانتقاء للقصيده

دمتي بخير..

[برووق السحايب]

اقتباس: المشاركة الأصلية كتبت بواسطة كرسي مدرسة    فعلا قصيده معبره لاهنتي على النقل الجميل اخت برووق تقبلي مروري

[align=center]لاهنت شاعرنا كرسي مدرسة لهذا المرور ,,, دمت بوود[/align]

[برووق السحايب]

اقتباس: المشاركة الأصلية كتبت بواسطة al-radar    والأب اللاهي تكلَّم : ** (بنتي حُرَّة اتركوها) 00 لاهنتم 000 بروق السحايب 000 وجزيتم خيرا 000 اخوكم 000 الرادار 000 القيصومه 000

[align=center]لاعدمناك يالرادار ’’’’ مشكور لمرورك الذي زاد القصيدة رفعه .[/align]

[برووق السحايب]

اقتباس: المشاركة الأصلية كتبت بواسطة ناجي الحفراااوي    . . قصيده فعلاً معبره ومحزنه. يعطيك العافيه بروق السحايب على هذا الانتقاء للقصيده دمتي بخير..

[align=center]
الله يعافيك أخوي ناااجي ,,, شاكره لك تواجدك العطر في متصفحي .

دمت بوود[/align]