الفكرة جميلة ونتمنى تنفيذها .......
بس احب ارد على الأخ ناجي ووايلي والفيصل وسلطان وغيرررررررررررررهم من اللي اعترضوا على الفكرة المرأة وين الأماكن اللي تتسلى فيها اذا كل الأماكن صارت للشباب عندك مثال طريق المشاة اللى على طريق الشمال واللي عند مصلى العيد القديم صارت شباب× شباب مافي مجال ان المرأة تمشي فيها وبعدين ليش تنقبر في بيتها هذا جزاها بعد ما تطبخ لكم وتطارد مع العيال وتنظيف البيت هذا غير الدوام ما يحق لها ساعة تتسلى فيها بعيد عن مضايقات ووقاحة بعض الشباب
اتمنى ان الكلام ما يزعل احد ............
شيهانه اشكرلك تضامنك ولكن الاخوان لاالومهم لانهم قدلايكونوا متزوجين او ينتمون للفئه التي تقف ضد المراه ويعتبرونها ضمن اثاث وكماليات البيت وليس لها الحق في التسليه وتغييراجوا البيت التي قدتكون كئيبه في كثيرمن الاحيان ويظنون انها لم تخلق الاللطبخ والتنظيف وتربية الاولاد
اتمنى من الجميع ان تكون ردودهم واقعيه بعيدا عن عنجهية الرجال وتسلطهم ولكن شخص له وجهة نظر احترمها شخصيآ
يالييييييييييل هالمراة الي غثيتونا فيها والله حاله المراة وين ما تروح وتقراء بجرايد بنت منتديات مالهم سالفه الا المرأة تركنا كل شي وحطينا روسنا بروس الحريم شي عجييييييييييب
يسووون ملاهي مغلقه ويحطون سياره للهيئه عند الباب والي في امه خير يدخل ولا يتجمع قدام الباب
واتمنى من الهيئه انهم يشترون عصا الكهرب اول مايقرب واحد صكوه وحده الا هو متشنج هههههههههههههههههههه
صحيح النساء بحاجة إلى الترفيه المنضبط بعيداً عن أعين الرجال ، كيف لا وهن شقائق الرجال،
بل إن الترفيه ليس حكرا للرجال دون غيرهم ، فالمطالبة بحق من حقوق المرأة ليس محظوراً شرعياً ،
حتى أن عائشة رضي الله عنها طلبت من الرسول صلى الله عليه وسلم أن تنظر إلى الأحباش بهدف
الترويح عن النفس فوافقها الرسول على ذلك في قصة معروفة،،
والناظر في بعض مناطق المملكة يجد أماكن للترفيه منضبطة 100% بعيداً عن الرجال وكذا (( حركات النساء النص كم )) مثل ملاهي الروضة في الرياض والبراجون وغيرها الكثير ،،،
فالمطالبة بمثل هذه الأمور للنساء أمر حق ، فلنكن واقعيين في المطالبة ولا نقول أن المرأة مكانها في
البيت والمطبخ فقط فإنهن لم يخلقن لهذا فقط، فهي نفس بشرية تمل وتسعد وتجيء وتروح وكل ذلك يجب
أن يكون وفق حدود ما أمر الشارع
وهناك بشرى لبنااااااااااااااااااات الحفر وقريباً جدا إن صدقت الأخبار ،،،، [/align]
ياللأسف على عقول شباب الحفر الرجال قال ملاهي خاصه ومغلقه لنساء
وطلعت منكم كل هالسوالف والحقد على المرأه ترى ماقال خلو المرأه تكشف
بعدين الشباب ومصابن الحفر مثل ماتقولون راح يظلون مطشرين بالشوارع ويغازلون
حتى لو خلو الحفر بكبرها منتزهات لشباب فقط شباب الحفر لازمهم الالتفات لتعليم يعني اغلب الشباب هنا يا الله معاهم المتوسطه وقليل بعد اكثرهم ابتدائي
بعدين اللي يقول خل المرأه تقعد ف البيت اصرف اقعد انت تقدر تتحمل المرأه كائن مثلك عنده احساس ويحتاج يطلع ويرفه عن نفسه ويشوف الدنيا
بالعكس المرأه تحتاج الترفيه اكثر من الرجل لأنها تهتم بالبيت والأولاد والشغل وغيره وغيره فمن حقها تشم شوية هوى