طموح وأحلام ماتن من يعزيني

[هنوف نجد]

من ليلة البارح وحابسني الضيق
عسى صباح اليـوم يطلق سراحي

وعادت لي الضيقه على فكّة الريق
الله يهوّنـها ويسـعـد صباحي

لا قمت أدرّجها على قد مـا أطيق
تغانمتنـي مـن جميع النواحـي

بيني وبين الغرغره والتشاهيق
أرمـاش عيـن وجلسـة ٍ وإنسداحي

لاشك يومي عند رب المخاليق
اللـي بذكـره بهجتـي وإنشراحي


وهذا الرد على الابيات

فارقت خلي وكلٍ ودع الثاني
لاعادك الله يافرقا المحبيني

في ليلة الخميس خليته وخلاني
ياليلة الخميس جعلك ماتعوديني

الصاحب الي عقب مارح بكاني
وهو بعد قبل مايمشي مبكيني

سابع سنة حبهم عايش بوجداني
طموح وأحلام ماتن من يعزيني

والله مدري انا ابكي بعد على خلاني
وإلا على عمري الي ضاع وسنيني

عنده رقم هاتفي واسمي وعنواني
ان غير الوقت رايه يتصل فيني

[ناجي الحفراااوي]

اقتباس: في ليلة الخميس خليته وخلاني ياليلة الخميس جعلك ماتعوديني

كل هذا سواه الخميس


صح لسان هنوف نجد

وسلم بنانك على النقل الجميل

يعطيك العافيه...

[هنوف نجد]

اقتباس: المشاركة الأصلية كتبت بواسطة ناجي الحفراااوي    كل هذا سواه الخميس صح لسان هنوف نجد وسلم بنانك على النقل الجميل يعطيك العافيه...

الله يعافيك ناجى

شاااكره تواجدك لاعدمناكــــــــــــ