السلام عليكم ورحمة الله وبركاته
الشاعر بندر بن سرور العتيبي وكما قال المثل سبقا المعارررف لاتعرررف ’ شاعر الحكمه ولاا صاله
قلما تجده مثله في عصرره تكلم بهذه الابيات بصدق التجربه وتجاررب السنين وبعد القريب يصور لنا
معانته وتغير الاحوال والناس اترككم مع بندر !
الله من عينن طرقها صواديـــــــــــــف & عميّت ويبسن العروق السخافي
شفت الوزى بالعين من عرض ماشيف& شفته وغيري مافطله وشافــــــي
وقتن تغير فيه حتى العواصيــــــــــــف& جا في عواصيف الرياح اختلافي
شره قناطيرن وخيره مقاطيـــــــــــــف & يفطن به اللي يرضع الديد غافي
كم واحدن جاله زمانه على الكيــــــف & واغتر في نفسه يبى الجود وافي
يطلع مطاليع العلى بالسواليــــــــــــف & وبين العذارى عد روحه اسنافي
هراج بالغيبه وكراه للضيــــــــــــــــف & قتات والقتات في النار هافــــي
يعلق قريبه علقت النار بالليــــــــــــف & عيّن ولد عيّن وزنوده اضعافي
ان رخصت الحذوه توقى عن الحيف & ون غليت الحذوه مشى اللاش حافي
يمشي ويلحق والدينه تخالـــــــــــيف & دايم ومرقد طافي النار دافـــــــي
هو مادرى ان الجود يبى تكالــــــيف & سهر الليالي مقبالتن مقافــــــــي
والصبر بنحور السنين الشواحيف & اللي قساها مثل حدب الرهافــــــــــي
مايقدرون الجود سود الاضاليف & مشاركة بيض النساء في اللحافـــي
يقدر عليه اللي حكم نجد بالسيف & مودع مباغيض القبايل ولافـــــــــــي
عبدالعزيز اللي يبث المصاريف & يجدع قناطير الذهب بالفيافــــــــــــــــي
يمسي على دربه جموعن مراديف & مزنن تنثر ماه والجو صافـــــــــــــي
وسلااااااااااااااامتكم اخوكم محمد المطيري