[align=center]للأسف تعودنا على سماع المضاربات المستمرة واليومية بالحفر وصارت محافظة حفر الباطن مدينة ليس لها مكانة عند مناطق المملكة لكثرة المشاكل والمضاربات فيها وسوء التنظيم [/align]
أول كان الموجودين في الدوريات من خارج أهالي حفر الباطن ، هذا دوسري من الوادي وهذا شهري من النماص وهذا أسمري وهذا زهراني ، وما كانوا يحتكون بأهل الحفر ، لذلك إذا مسكوا واحد من المتسكعين على طول لمقر الشرطة ، وتوقيف لليوم الثاني من غير سين وجيم . الحين 90% من أفراد الأمن من أهل الحفر ، وما أعتقد لو صار فيه تفحيط ولا سرقة ولا هوشة إن هالفرد راح يباشر بسرعة اذا كان موقع الجريمة بالحي اللي ساكن فيه . أكيد بيتأخر وما راح يباشر على طول ، لأن هالفرد يخاف من نظرة جماعتة له لو باشر الجريمة . عشان كذا في السابق كان رجل المباحث مكروه عند الكثيرين .
قلتها اكثر من مره ، أكبر غلط إنك تقول للورع أبو22 سنة استلم هالجيب ويالله روح غطي المنطقة الفلانية . ثم يروح هالورع اللي ماعمره ركب جيب ربع ويقوم يفرفر ، ومافيه بوفية مايطلب منها . كل هذا عشان بس يرفه عن نفسه في الفرفرة بهالموتر اللي ماحلم فيه . المفروض هالورع يكون سائق للدورية وبنفس الوقت يكون فيه مساعد له خبرة يباشر بنفسه الجريمة في موقعها سواء كانت هوشه ولا سرقة .
بإختصار نحن من يساعدهم بكل شيئ ، أين الشباب المتعلم والبعيد عن أساليب القتل والمشاجرات ؟ أيعقل ليس هناك بيننا راشد وعاقل يعرف كيف يذهب إلى الطريق السليم وسلوك الضبط الإجتماعي ؟
بإختصار
نجد المفحطين ومن يمارسون الشذوذ والعياذ بالله هم من يهتم بهم من يبحث عن تلك الآخبار ونحن جزء من ذلك لأننا فضوليون بطبعنا وللأسف حتى لو خبر ليس فيه شيئ من الخير للناس فقط اللهم نطلع
على أي شيئ ممكن يكون لنا عذر وهو البحث عن مسببات وأسباب وممكن لسنا معذورين بتضخيم الآمور وهي ليست بذلك ومع ذلك أقول لا بد من وقفه صحيحه مع هؤلاء المتغطرسين .
العرض العادي
