رد: مبـــــــــروك لأبناء حفر الباطن الموافقة على كلية لادارة الاعمال
ياجماعه شي ء طيب والف مبروك
والأخوان اللي يطالبون بجامعه أخواني الدوله
أقرت مدينه جامعيه لمحافظة حفرالباطن والتي هي على مساحه كبيره على طريق الرياض وتم انشاء الآن كلية المجتمع فيها واقرت كليات كثيره وكل كليه كمبنى عن جامعه
وآخرها كلية التربيه للبنات
عاجل - ( الدمام ) وقع مدير جامعة الدمام الدكتور عبد الله بن محمد الربيش عقد انشاء كلية التربية للبنات بحفر الباطن بمبلغ 152 مليون ريال لمرحلتين انشائيتين مع احدى الشركات الوطنية على مساحة تقدر بـ 15.510 الف متر مربع ، واشار الربيش الى انه من المتوقع ان يتم الانتهاء من المشروع خلال 36 شهرا ويقام المبنى في موقع المدينة الجامعية بحفر الباطن وهو مكون من ثلاثة ادوار ويشمل على المباني الاكاديميه والمباني المسانده كمطعم للطالبات ومكتبة الكلية بالاضافة الى المعامل و المختبرات وصالة المحاضرات الكبرى وعياده طبية ، واضاف الربيش بان المباني الاكاديميه تشمل الاقسام العلمية والادبية تستوعب لعدد كبير من الطالبات تفوق الطاقة الاستيعابية الحالية مضيفا بان يجري حاليا دراسة وضع المواصفات الخاصة بمحطة الكهرباء باعتمادات اجمالية قدرها 112 مليون ريال كما يعتبر مشروع كلية التربية للبنات بحفر الباطن هي اولى مشاريع المدينة الجامعية .
وفي ختام حديثة اكد الربيش بان جامعة الدمام ستشهد نقلة تطويرية من خلال المشاريع وبناء الكليات في مختلف المناطق التابعه لها وان ذلك تاتي من الدعم اللا محدود من حكومة خادم الحرمين الشريفين حفظه الله في دعم التعليم العالي والتعليم في البلاد مقدما شكره للقيادة الحكيمة على راسها خادم الحرمين الشريفين الملك عبد الله بن عبد العزيز حفظه الله و سمو ولي العهد وسمو النائب الثاني و وزير التعليم العالي الدكتور خالد العنقري ، مضيفا بأن هذا الدعم الذي تحرص عليه الحكومة الرشيده يأتي دعما لمسيرة التعليم العالي وخدمة لابناءها الطلاب في سبيل الرقي بالعملية التعليمية وما يخدم مصلحة الأجيال القادمة للسعي في توفير بيئة تعليمية ترفع اسم المملكة خافقا في سماء العلم والمعرفة في جميع التخصصات .
يعني لو عندنا جامعه كان بحطون كلية تربيه للبنات بهذه الميزانيه ياخي الجامعه عباره عن كليات لكل أختصاص وهذه المدينه الجامعيه كل الكليات قاعد تنشأ فيها ومشترط عليهم التصميم الهندسي المتشابه
لأن احتمال بعدين تستقل وتصبح جامعه مستقله
أخواني الدوله على الكليات التي اقرت في هذه المدينه وصل مبلغها أكثر من نصف مليار
يعني بالعقل مطالبنا بجامعه مستحيل ان تتحقق خلاص المفروض تتغير المطالب الى المطالبه بالكليات داخل المدينه
رد: مبـــــــــروك لأبناء حفر الباطن الموافقة على كلية لادارة الاعمال
الي يقول فكونـا من كلية المجتمع التابعه للبترول الظاهر ماتدري عنها شي من النواحي الوظيفه
لعلمك دراسة الكليه تعتمد على اللغه الانجليزيه ومطلب الوقت هذا اللغه اضافه الى قبل التخرج تجي شركات كبييره
للكليه وياخذون طلاب يطبقون عندهم شهادتها قووويه اقوى من جامعات السعوديه لو تبي تصنفها لانها تعتمد على اللغه
الاساس
وانـا مافي احد اعرفه تخرج وقعد الحمدلله ورواتب عاليه وش تبي بالضبط ؟
مافي شي يمشي بالساهل ان تبي الوظيفه الزينه ادرس واجتهد
رد: مبـــــــــروك لأبناء حفر الباطن الموافقة على كلية لادارة الاعمال
اقتباس:
المشاركة الأصلية كتبت بواسطة حلو الكلام
الي يقول فكونـا من كلية المجتمع التابعه للبترول الظاهر ماتدري عنها شي من النواحي الوظيفه
لعلمك دراسة الكليه تعتمد على اللغه الانجليزيه ومطلب الوقت هذا اللغه اضافه الى قبل التخرج تجي شركات كبييره
للكليه وياخذون طلاب يطبقون عندهم شهادتها قووويه اقوى من جامعات السعوديه لو تبي تصنفها لانها تعتمد على اللغه
الاساس
وانـا مافي احد اعرفه تخرج وقعد الحمدلله ورواتب عاليه وش تبي بالضبط ؟
مافي شي يمشي بالساهل ان تبي الوظيفه الزينه ادرس واجتهد
اقتباس:
المشاركة الأصلية كتبت بواسطة مايكل بن سعيد
أنا من رأي مفرح جدا ..
كلية ادارة اعمال تدرس وانت عند اهلك وتتخرج بكالوريوس من جامعة البترول ولا مهندس من جامعة البترول وانت عند اهلك بالحفر ماكل شارب نايم شي يفرح صراحة ..
الناس جالسه تجي للكلية من الأحساء والخرج وخميس مشيط والدمام والرياض بس عشان تدرس بكلية المجتمع اللي هي تابعه لجامعة البترول ..
ودام الكلية طورت نفسها وافتحت كلية هندسة وادارة اعمال هذا من صالحنا ..
صدقني لو ترتبط الكلية بالحفر ويروح مسمى جامعة الملك فهد عنها ما راح تسوي شي ..
هالحين تتخرج بمعدل كويس على طول وظيفتك بجيبك بإذن الله والشركات تتنافس عليك ..
غير عن خريجين الجامعات الثانية ..
انا اتكلم عن كليتي اللي درست عنها ومتخرج منها اللي هي كلية المجتمع بالحفر ..
صدقوووني مكسب كبير للحفر ومحد راح يعرف قيمتها إلا اللي درس فيها وتخرج منها ..
الف مبروووك للحفر كلية ادارة الأعمال ..
صدقتوا يااخوان وانا ولله الحمد من خريجي الكلية والحمد لله بعد التخرج قعدت بعد التخرج اربعة اشهر فقط والحين الحمد لله متوظف بشركة كبيرة وبراتب طيب لا ومعدلي كان متوسط والجامعة ولله الحمد تعتبر افضل جامعة في السعودية ومعروفة وبقوة
رد: مبـــــــــروك لأبناء حفر الباطن الموافقة على كلية لادارة الاعمال
اقتباس:
المشاركة الأصلية كتبت بواسطة حبوب
اولأ.. شكرأ اخوي على النقل
لاكن اخواني انا لاحضت شي بهالقرارات وارجو منكم التفاعل حتى نعرف السبب الي خلاني اتعجب وممكن انتو بتتعجبون نفسي
وحتى مايكون ردي مجحف بيكون رد بالارقام والدلائل
انشاء
1-كلية الطب بجامعة شقراء
2-كلية الطب بمحافظة الدوادمي
3-إنشاء الأقسام الآتية بكلية الطب بجامعة المجمعة: قسم التعليم الطبي, وقسم العلوم الطبية الأساسية,
اعتقد انكم شفتو الكليات الدسمه (علميا) مقارنه بالكليه المقرره بحفرالباطن الي هي كلية إدارة الأعمال بمحافظة حفر الباطن ولابعد مو مستقله تابعه لجامعة الملك فهد الي يشوف يقول من كثر الشركات والاعمال بالحفر يوم يحطون هالكليه لاكن العجيب بالموضوع
ومن موقع الاحصاء السعودي للسكان لعام1431 حفرالباطن( طبعا بدون قراها مجرد المدينه فقط لاقيصومه لاذيبيه ولاشي)
271642 الف نسمه
اما المجمعه فالتعداد السكاني لهم هو 47700 الف نسمه اما شقراء فالتعداد لهم هو 26000 الف نسمه اما الدوادمي فالتعداد لهم هو 61800 الف نسمه
انا صراحه ماعندي اي تعليق على هذا التوجه
بس عندي سوال هل حفر الباطن تعتبر مدينه من السعوديه او لا....؟
السبب بسيط جدآآآآ حفرالباطن لايوجد لديهم وجهاء يطالبون في مصلة المواطن ومصلحة المجتمع بحفرالباطن
كل مسئول جاي بالحفر لفترة معينة ويقول خله على الذي بعدي