انا اختي عندها فستان زواج بس وش اقولكم والله ررررررهيب وكل من شاف صور زواجها قال فخم فستانها ومكلف وهي والله ماخلت مكان بالرياض الا ودورت يوم زواجها على فستان ومالقت واضطرت تسويه عند مصممه
فأنتم شوفوه مانتم خسرانات ياعرايس اذا زرتو الرياض انا اعرف ان اغلب عرايس الحفر مايتقضون الا من الكويت او الرياض وهو موجود عند مصممه بالرياض
هو لونه سكري مرصع بالكرستالات وانا اقولكم والله انها يوم زواجها كانت بالمشغل وجايبه معها الشرعه عشان يركبوها الكل انهبل عالشرعه وسألوها من عند مصمم والله اني ماأبالغ هو الميزه اللي فيه انه مليان كرستالات
والله انه تكلفته 30000 والسعر ماراح نختلف فيه راح تراعيك بسعره
حنا كثير من جماعتنا عاجبهم بس والله عشان مايقدرون يلبسونه لانه صعب يلبسونه من نفس الجماعه
بالنسبه للمقاس يلبس سمول ومديم وعادي ممكن يتوسع وممكن يتضيق المشغل اللي صممه متفقه معهم اللي يشتريه انهم راح يضبطون مقاسه على الزبونه وكأنه مفصل عليها
هاه وش رايكم انتم طبعا لكم الخيار اذا اقتنعتم ممكن نتقابل في المشغل وتشوفوه ووفري على نفسك عناء التعب والبحث خصوصا" لما تجون الرياض تتوهون بالاسواق
اللي تبي تشوفة ترسل وانا اعطيها اسم المشغل وعنوانه وتشوفة
وشكرا"