أغرس على صدر الهوى طعنة أيديك
وأدفن غلاي وماضي الحب خلة
كنت أمس غالي ولكن اليوم ماأبيك
ما أبيك لو إنك دوى كل عله
ما أبيك لو روحي تنازع وترجيك
مادام في حبك خضوع ومذله
أبتركك لو صوت الأشواق يدعيك
وأمحي الغلا من داخل القلب كله
وأطوي زمن حبك وصفحات ماضيك
يووم الغلا ياصاح ما أنتب هل له
دور على غيري حبيب يجاريك
يقبل خطااك ويحتمل كل زله
رميت قلبي بالعنا والتهاليك
وكرهتني بالحب دقة وجله
وأسقيتني همك وأنا بس أدريك
ماللوفاء درب ضميرك يدله
بكيتني واليوم والله لا بيكك
دمعك على فرقاي تبطي تهله
خذها نصيحه في حياتك ووصيك
لا حبيبك لا تحاول تذله
قلي وش اللي بس للغدر حاديك
وسيف الخيانه ليه كفك تسله
حسبي عليك الله عني بجازيك
مالك أمان ولا عهود ومله
قصة غرام مات بسبة تجنيك
ينقش على صدر السحاب المظله
تاهت مراكب حبنا في مووانيك
بيديك ماخليت شي بمحله
وش لي بنبض القلب لو صاح يبكيك ..؟
وأنت أكبر جروح العنا والمذله ..؟؟
’’’’ مررررهف الأحساس ’’’’’’’