اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

 
 
أدوات الموضوع انواع عرض الموضوع
قديم 22-04-06, 03:47 AM   رقم المشاركة : 1
DON'T CRY
عضو نشيط
الملف الشخصي






 
الحالة
DON'T CRY غير متواجد حالياً

 


 

الشاعر مسلط بن عصمان الخالدي

[align=center]قصيده مؤثره جدا ومناسبتها اكثر اثاره للشاعر المرحوم باذن الله الشاعر مسلط بن عصمان الخالدي اليكم القصيده





ياونتي ونـة خلـوج مـن النـوق

علـى ولدهـا بالتهاليـك معـتـاق

اقفوا بها ربـع مـع كـل خنتـوق

وقامت تلفـت للحويـر بالاشفـاق

قامت تصعفق بين صافي ومصفـوق

واحفاه من ضرب العصا كل مرهاق

من اول تقطف ثمـر كـل زملـوق

واليوم صاعنـه خبيثـات الاوفـاق

جسمه مثل جسمي من الحال مسروق

يشدي لغصن يبسـت منـه الاوراق

اهي تعرضهـا لوابيـث وصفـوق

فرقا ولدها مـن خبيثـات الاوفـاق

وانا تعرض لي من الناس مخلـوق

حش الضمير وزاد قلبي بالاحـراق

هليت دمع العين واخفيت انا المـوق

ومن دمعها الصافي على حجرها راق

على وليـف زيـد القلـب بفتـوق

اختف عقلـي يـوم نـو بالافـراق

سقيـم عقبـه ماتطعمـت بالـذوق

قفا وعرضنـي خبيثـات الاطـراق

غض النهد زين التعازيـل منتـوق

ماشفت انا غيره علـى غايتـي لاق

سبحان مسويها على كـل مخلـوق

من مركز القبله الى سيف الاشـراق

شفت الشعر دانق من العنق مفهوق

متفـرع مـن مـارق العنـق دلاق

زاف على زاف من المتن مفـروق

غاش ردوفه شافه القلـب واشتـاق

ياما حلا شك القلايد علـى الطـوق

وخدود يوضن في حسينات الارنـاق

خده كما برق ليـا نـاض بشعـوق

غرو على قلبي وعقلي معـه تـاق

والياطرى لي تاق قلبي وانا اتـوق

والا لغير الشـوق مانيـب عشـاق

اصفر عفر يعطي من الورس برموق

على حسن ماراق ماهيـب مبهـاق

لكن عليها الورس والمسك مدفـوق

ولون كما شـاش تمـاراه بالسـاق

خواصر هبـاع مـن ردفهـا فـوق

وخصر كما الخاتم به السير خفـاق

لكن رمش العين لاغضت عن الموق

ريش النعام اللي بالاجنـاح خفـاق

كن العسل في مبسم العذب مذلـوق

بالهجس والا راعي القيـل مـاذاق

ادوج وسط الناس من غير معلـوق

كني قريص فيه سم الحنـش سـاق

لاحول حل بداخـل القلـب سـاروق

كني سوى شـراب خمـر وتريـاق

معجم ما علم مـن القيـل منطـوق

باسباب خود صـار للقلـب سـراق

ياطـارد بدمـاي لاتقبـل السـوق

اخذ القضا من واحـد بالعهـد بـاق

ختم الجواب وخاتـم القيـل داروق

وين انت يا للي ماتجي لي بالوفـاق





ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
وله أيضاً





بديـت رجـمِ بيانـي

واقول قـولِ نظيـف

من حر شيِ حدانـي

ودموع عيني ذريـف

يامطير واركب عماني

نضوِ الياجاء يهيـف

مربـعِ هالزمـانـي

وسمِ تقفـى خريـف

نصه اربوعي اخواني

لطامـتِ للحفـيـف

عمـايـرِ ماتهـانـي

من يوم خلق القطيف

طلبت ربي عطانـي

حمراَ رباع عسيـف

لامن قضبت العنانـي

تكسر علي الصنيـف

يوم المخلـى نخانـي

لزمن جوادي تقيـف

رديـت للصيرمانـي

وارويت حد الرهيف





ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
وله أيضاً





المشقى بـدا فـي راس مابانـي

يبدع القاف في عالـي مراقيبـه

يالله انا طالبـك ياعالـي الشانـي

يافهيـمِ وسـد الغيـب تدريـبـه

عز ربعي على من زارهم عانـي

صايلٍ بالظعن والجمـع يزميبـه

يوم جونا كمـا دولات سلطانـي

مثل سيل تحـدر مـن محانيبـه

والتقوهم نهـار الـورد خلانـي

علط الارقاب نحالـن مقاضيبـه

يوم جانا يدوث الجمـع ضيدانـي

زار اهلنـا بخلانـه وأجانيـبـه

وإلتقـوه الحماقـه بـام سيـلان

لابتي كسبت النامـوس تحريبـه

كيف ضيدان فينا يقطـع العانـي

عقب مافات هذا اللـي يجازيبـه

ماذكر هيـة الوفـره بالاكوانـي

يوم جتنا الشلايـل مـع مناديبـه

حن عطيناه حقه يـوم جاءعانـي

ليت من ينشده عن فعل اصاحيبـه

جمعنا لامشـى ماهـو بخوانـي

سيف هنـدِ عطيبـاتِ مضاريبـه

من جزانا بطيـبِ نرجعـه ثانـي

نعطي الحق والمعـروف نثنيبـه

ساعةِ واستـوى للملـح دندانـي

حام طير الهوا من صايح الريبـه

واستوى فوق جال العد عكلانـي

الدخـن ساكـبِ والعـج يوميبـه

كم هنوفِ هواهـا كـل ديقانـي

عقب حجيرها كثـرت خواطيبـه

شوقهـا طايـحِ للخيـل ميدانـي

توها مع نكـوف القـوم تدريبـه

تمحش الدمع من منقوش الاوجاني

عقب جرحِ جديـدِ فاريـن جيبـه

كان ذيب الردايف بـات جيعانـي

بشـروا دار عـدِ عاويـن ذيبـه

بشرو بالعشـا خيـلِ وصبيانـي

يوم سوق الغلا باعـوا جلاليبـه

ذا جوابي علـى مايلفـظ لسانـي

زين قولِ علـى حلـه وترتيبـه





ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
اليكم هذه القصيده للشاعر الكبير مسلط بن عصمان الخالدي رحمه الله ومناسبتها عندما تقابل شاعرنا يرحمه الله مع احد افراد قبيلة الرشايده والذي كان قادماَ من المناطق الشماليه وكان ابن عصمان يتشوق لمعرفة نتائج المعركه التي كان يدور رحاها بين المنديل وبعض القبائل في تلك المنطقه فأجاب الرشيدي بلكنه ملؤها الاستهزاء والحقد بالمنديل وقال انهم انهزموا في تلك المعركه وكان كاذباَ فحزن شاعرنا الى سماع هذا الخبر ولكن بعدها بقليل جاء البشير بالاخبار الحقيقيه بإنتصار المنديل انتصاراَ كبيراَ فهاضت قريحت شاعرنا رحمه الله بالقصيده التاليه .










البارحـه ونيـت عشـرِ تفاريـد

واليا عذلت القلـب عيـا يهيـدي

عز شاني مـن هـروج المناقيـد

والغيظ ياخذني على غير كيـدي

باح الغـرام وهيضـوه المقاريـد

لين ازعلو نفـسِ مداهـا بعيـدي

حل المجال وشوبش الراس ياعبيد

قوارعِ جتلـي علـى مانريـدي

كونِ لفانـا منـه علـم ومراديـد

يوم القصير يعـد فعـلِ وكيـدي

بعد نـزل الله وفعـل الاجاويـد

قولِ على حله بخطـلان الإيـدي

والكذب ماينتج وكثـر الهرابيـد

الفرق بالصامل وضرب الزنيدي

يوم اقبلت صم الرمـك بالاوليـد

خيل السويط وسربـةِ للسعيـدي

تقاطعـو بالذبـح قبـل المعاهيـد

والمنع عنـد نحورهـم مايفيـدي

ماسندوهن مع هل الجيش والغيـد

لين ادعثو فيهن وطِرح العضيدي

وراحت باهل خيل طوال الجلاميد

بطرافهم شبت سعيـر الوقيـدي

الشقر خلف الجيش حطلهن ميـد

وكلن على مركاض اهلهن شهيدي

تخالفوا مـن بينهـم زرق ومنيـد

لين اقتضوا لمحمـدِ والحميـدي

اشقر على شقراء مع الخيل ياعبيد

كنه تروجـل خلفهـن بالحديـدي

اللي ثناهـا يـوم عـج البواريـد

سند ولاغيره اليا جـاء الوكيـدي

يوم السبايا كنهـا تلعـب العيـد

اخوان رفعـه فرجـوا للبليـدي

ماشفت شعلن يرجحـن للمفاريـد

ماهو بورثِ مير كسب بالايـدي

لو اني اركب ضمرِ تقطع البيـد

وانحر اربوعِ ينحسون الضديـدي

والله ان يجي للقيل حل ومراديـد

وحرك بقلبك لاجـيِ يالرشيـدي

خابرك زراعن تسـوق المعاويـد

عند المـزارع ماتعـدى بعيـدي

ياسعـد منهـم لابتـه بالتواكيـد

حظك دمار وحظ ربعي سعيـدي






اخوان رفعه = هم المنديل المعروفين شيوخ العمور من بني خالد
سند = هو سند المنديل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ









ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
وله ايضاً





مزتـةٍ هلـت وجالـه غثيـر

وختلط عجـه وملـح القهـر

يوم جا الحربي بقـومٍ كثيـر

والعـوازم حذفـو بالغـتـر

يوم ضاع الشور والمستشيـر

عزمـو بالله وراي الظـفـر

دون شعلٍ بالمضامي صجيـر

سرحوها يوم جاهـا النضـر

ولين شربت من قراحٍ غديـر

عقب مركاضٍ بصنـع الكفـر

وأم خمسٍ والهنـادي شطيـر

كنهم فـي ساعـة المحتشـر

وجبرهم في كل دربٍ عسيـر

وليتنـا معهـم بخيـرٍ وشـر

وخشرةٍ معهم على مايصيـر

بالحرايب يـوم ربـي اومـر

جمعنـا بالكـون مايستقـيـر

صامل الهده اليا مـن حضـر

وخبر الـي مـادرا يابشيـر

وسط لـم النـاس رد الخبـر

وكان قالو هرجتـك ماتصيـر

قل هذا البيرق وهـذا الفخـر

وحن هل المنزل اليا جا النذير

دايمـاً ابيوتـنـا بالخـطـر

ومن بقى درب الرخى والمنير

حـط فينـا خونـتٍ وعتـذر

وكيف نمشي مع جناحٍ يطيـر

في هقاوي ضايعيـن النظـر

وحافر الما مايصـح المجيـر

ومن حفر بيرٍ عليـه انقعـر

ومن نقل يسـفٍ بليـا جفيـر

ندقـم حـده وعرضـه دثـر

وعزنا مـن عزكـم يالاميـر

ولا غبا علمـاً وعلـمٍ ظهـر

ودام ابو تركي عليهـا يسيـر

هو هوانا من جميـع البشـر






ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
وله ايضاً








لابتي صفو وصيرو زافتيـن

واجهلو للـروح تاليـه الفنـا

لابتي صيور ماغطـي يبيـن

والردي محدن على عيبه كنـا

لابتي يشكى لكم صافي الجبين

وعقب اللي لا نخنـه ماثنـا

وافرحي يادارنـا لاتكرهيـن

وازهمي من كان سايده الطنا

واطمحي والغيرنا لاتعشقيـن

كود من سبـل وسـوا مثلنـا

يااهل العـادات ردو للسنيـن

مايفك الذل مـن يومـه دنـا

في نهارٍ يودع القاسي يليـن

عسكر الدخان والسيف احتنـا


[/align]







التوقيع :
هكذا الحياة

 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:04 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم