من يذكر سوق الاسهم قبل النكسه مو كل من هب ودب صار تاجر اسهم ماهو كل ماجيت مجلس الا العربيه والاقتصاديه تلعلع فيه ماهو راع الغنم عرف المؤشر والاخضر والاحمر واالافتتاح وشمعة دوجي والاغلاق والسيوله وكل الناس صارو هوامير في البورصه وبعدها انهارت الاسهم
والي راح للنفسيه والي جته سكته قلبيه والي راح حلاله كله المجتمع كان كله هوامير اسهم تذكرون ذيك الايام...
الان ابي كل واحد يركب سيارته ويمر على الشارع الي خلف بيته ويحسب كم فيه مكتب عقار ويمر المجالس ويسمع سوالفهم كلها عن الاراضي والمخططات وكل واحد حاط على طبلون السياره كم مخطط شف الناس الي حولك شف كم واحد اخذ قرض علشان يشتري ارض نفس المسلسل بكل تفاصيله بس باقي الحلقه الاخيره وتصير نفس مسلسل الاسهم تدرون اذا جاء الرهن العقاري بتصير خطة تنهار الاراضي انهيار سريع ويجي البطل تدرون من هو الرهن العقاري ويحل المشكله
بس وين الذكي الي اذا شاف الناس يندفعون على شي يمسك بريك ولايطبق مقولة مع الخيل يا شقراء...
تحياتي