يالله يامرسـل جمـيـع النبيـيـن يامنزل الانفـال والعصـر والطـور
يلي ذكرت الامن في سـورة التيـن تجعل وطنـا فـي حمايتـك مبـرور
لاضاع حقك واختفى منك فـي حيـن وامسيت من همك من الغبن مقهـور
واليا غدا لك شي واغفي عن العيـن في شارع(ن)مافيه حارس ولاسـور
ابشربها لاجات بـأيـدي المياميـن اللي لهم حـل الصعيبـات دستـور
يوفي بها الطيب ولو هـي ملاييـن لو كان رجل(ن)داهلن حالـه الجـور
ويطمع بها المسكين لوهـي رياليـن لوكان يملك لـه بساتيـن وقصـور
يدين تبحث في خفا النـاس ويديـن تحفظ حقوق الناس والحال مستـور
رجل بلاذمه تعـوود علـى الشيـن يسرق ولو هو بـاعين الناس منظور
ورجل بشهادة يظهر الحـق ويبيـن ورجل على وضح النقا يشهد الـزور
زيزومها نجـل الرجـال المسميـن العارف اللي يبـدي الـراي ويشـور
يخشى من الرحمن في ساعة الليـن شاور ضميره واعتمد فكـره الشـور
حمل الامانه حسب ماجابـه الديـن الارض عييت والسما صـار معـذور
يامرحبا يلي على الطيـب ضاريـن من خاطرا سامح وصادق ومسـرور