كنز..أخذت الشنطه ورحت الى سيارتي اللي كنت موقفها عند المركز
وحطيت الشنطه فيها وما علمت احد مر الدوام وكان بطيئ بشكل غير
طبيعي .. اول ما وصلت البيت نزلت الشنطه ونزلت عدت المفاتيح وقعدت
عليها اكثر مت ثلاث ساعات احاول افتحها وما قدرت ...أذكر امي تدخل
علي وتقولي انت وش قاعد تسوي بالشنطه ومنهي له ؟؟!
عاد انا صرفتها وقلت هذي شنطة زوجة واحد من العيال مضيع الرقم
السري قلت له عطنيها احاول افتحها لك ومشت عليها التصريفه ..
المهم قلت ما فيه الا الدريل هو اللي يفتحها وهذا اللي صار
تدرون وش لقيت فيها ... ؟
لقيت فيها عقد .. اتوقع لو ابيع العلبه اللي فيها العقد اقل شي بخمسن الف
صدقون بدون مبالغه .
ولقيت اوراق فتشت بالاوراق على اسم او رقم عشان ادق عليه وأساومه بالعقد << الاخ متاثر بالافلام المصريه
لا والله بس علشان ارجع له الامانه .. وفعلا لقيت فاتورت مشتريات من قزاز وعليها رقم جوال ..دقيت عليه ورد علي واحد :
انا : الو
هو : اهلن
انا : السلام عليكم
هو : وعليكم السلام
انا : ممكن اعرف من اكلم
هو: ياخي أنت المتصل من تبغى (( هنا عرفت انه يمني من لهجته ))
انا : اسمع اخوي انا لقيت شنطه ولقيت فيها رقمك
هو :طيب وش فيها الشنطه ؟؟
انا : مالك شغل وش فيها اذا انت مضيع شنطه انت قلي وش فيها عشان اعرف هي لك ولا لا ؟؟
هو: لا يا خي ما ضيعت شي ولا هي لي ..
انا : طيب مع السلامه
بعد ما قفلت قلت احسن انها ماهي له والله قهر يكون العقد له
المهم مر اول يوم وثاني يوم وانا مدري وش اسوي وبصراحه كنت ابنزل اعلان بالجريده وعزمت اروح لجريده واسوي اعلان عن وجود شنطه ..
انتهى الجزاء الاول
#####
اذا فيه اخطاء مشوهها ترا والله تعبت وانا اكتب
اذا فيه تفاعل ابكمل واذا ما فيه ابجمع بزارين الحاره اوقولهم عن قصتي
########
في الحلقه القادمه
@ مكالمت الاميره لي
@ عبدو اليماني واستقباله لي بالرياض
@ يومين بأستضافت الامير تركي
@ عبدو يحكي من اين كانت قادمه الاميره عندما فقدت الشنطه