ما عاد ألوم الوقت لو الخلل بـان
ولالي على الأيام شرهـه ومنقـود
دام التفرق صار عنوان الاخـوان
وصار الزعل من بينهم دايم يسود
ابليس يركض بينهم يعزف ألحـان
وإن شاف فرصه ينفث السم ويزود
لين الاخوّه سهمها صار خسـران
وسهم التعاضد منقلب كره وصدود
يا حيف والله يا رجالٍ لهـم شـان
عقب المعزه جمعهم ليـه مهـدود
وشلون ينسى علم قالـوه شيبـان
ويا كيف ضاعت كلمةٍ قالها العـود
نصيحةٍ قد قيل تشـرى بالأثمـان
خل التواصل بينكـم كـف ممـدود
في جمعكم يجي لكـم ثقـل الأوزان
وألا التفرق كسرته كسـرة العـود