[poem=font="Traditional Arabic,7,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]
لا تعتذر عن فضولك دام شوق وحنين=سؤالك اليوم عن حالي يبدد سراب
ياصاحبي للجفا جرح ٍ معي من سنين=عيا يفارق خفوق ٍ من شقا الهم ذاب
شفني بقايا بقايا إنسان أصبح سجين =تكسر أحلام عمره والأمل فيه شاب
دامك وفي مثل جرحي أول الواصلين=لاهنت ماني معاتب لو يطول الغياب
ياما تأملت في غيبتك قلبك يلين =ياما تألمت يوم أن الأمل فيك خاب
أقول يمكن مع الأيام وقتي يزين=وأشوف الأيام تبكي لوعتي والمصاب
خلي المواجع وأنا برجوك لاترجعين=الجرح أكبر من أحزاني ولو قلت طاب
وش سالفة حظي العاثر وجرحي الثخين=من وين ماقلت هانت ينفتح ألف باب
كتبت في آخر المشوار قلبي حزين=وختمت في آخر السطرين يكفيه تاب
وكفنت حلمي وأبي بموادعه تكتبين=( أحلام طايش ومايحسب لوقته حساب )
هذا فضولك يجيبك للعنا وش تبين ..!؟=تدرين بقولك كلمة ولا هي عتاب
يكفي ترى مابقا إلا لك معي دمعتين=الأوله في الوداع .. والثانية للعذاب[/poem]
:forum_new: