[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
يقول الي حكم من دون قاضي =وسكن بالارض بليا جاذبية
حنين الروح لا حنت لماضي=تهيض خافقي بالسامرية
تقول القلب مشضوضن بشاضي=جبره الوقت بليا عاطفية
دموع العين لاهاضت وهاضي=خذت من دم قلبي شاكلية
زماني وان هزمني فيه راضي=يدبلج ماضيه مع حاضرية
توجد والتوجد فيه لاضي=وجودن ما اشهدته العامرية
وجود الي عنا للموت خاضي=يسوقه دم نخوة جاهلية
وذبح مية وصار الطلق فاضي=رما حزامه وحط البندقية
كتم غيظه وسلم واستغاظي=يشوف الموت والحزة دنية
زماني لو رجع يومن لماضي=سألته عن رجال العالمية
قصيرك لو يموت اخوك عاضي=بنفسه لو ورد حوض المنية
عليه الله قضاي المقاضي=عشيرن يالوجيه السافرية
على يمناك كأنه برق ياضي=على مد البصر ماغاب ضية[/poem]