على مين ياممدوح الرواوي يعني تبي تقنع السلطة الرابعة انك ماسافرت مع امووله للقاهرة
عندي ادلة تثبت تورطك بالسفر مع معشوقتك ( ههههه).,
ان قلت لك مارحت يفضحني ابريل
وان قلت ماطولت به قلّ حيله
لا والله الا القاهره ياملا السيل
من صمت ابو هوله .. لـ هادي هديله
جيته على متن الهوى خطوتي ميل
مشتاق والمشتاق ماينقوي له
والرحله اللي حولتبي تساهيل
ماقول لا سهله ولا مستحيله
من باب مينا القاهره لــــ باب الاوتيل
قصر الخديوي مايبي له دليله <<< قصر الخديوي حالياً هو فندق ماريوت
حطيت رجلي في بلاط التعاليل
اربع ليالي الرابعة بالف ليله
الماء والخضره وانا والمواويل
الكل كنا بانتظار الثقيله
طرقا طويله قلت به شي ماقيل
قالوا جميله ؟قلت" ماهي جميله
اجمل كثير من الجميلات بالحيل
وارق وارقى من منى ومن نبيله
العام عطره جدّل الشر تجديل
واليوم ثني الحرف حق لـ جديله
يوم اقبلت مثل المطر للمحاصيل
مثل الامل مالك امل له مثيله
ماجتني تمشي جتني ماتمشي تسيل
والعشب ينبت في جوانب مسيله
قالت مساء الورد قلت اهلاُ اكليل
من ديدحان الخد لاقصى الخميله
واستنفر الجوري حيا بـوجنة سهيل
وعيوني غرقن في سواحل كحيله
على سواد رموشها مابهن حيل
اركت علي بـــ السلهمه كل حيله
بيني وبينك مالنا بـ بالتفاصيل
انا وهذي سالفتنا طويله
بس بصراحه القاهره شي بالليل
ماضيقت صدر الخليل وخليله
.,