مرثيـــــــــــــــــة أم فهد جميله بنت تركي القرعاني

[جريح الروح]

[frame="1 80"] بسم الله الرحمن الرحيم


][`~*¤!||!¤*~`][ مرثية والدتي الغالية أخت عيــــــد :جميله التركي القرعاني ][`~*¤!||!¤*~`][



يبومحمد خيبت ظني الأقـــــــــــــــــدار ............ من بعد ماني مولمن للركايب

عقب الضحى دقيت وش صار ماصار ............قامت توصي دونكم بالنوايب

نضحك ولآبه خافي وأية أسرار ................ نمزح على قولت عليك الطلايب

وفجر الربوع الباب له دق بذعار .......... ....يومن لفاني علم مزن السحايب

استغفر الله قلتها ثم انهـــــــــــار .............. فيني جنون الطفل في رأس شايب

أصيح وزيني زولها يملي الأنظار .......... .....أصيح ليت العلم ماكان صايب

عيني تهل بصافي الدمع نثـــــــار .......... جمرن سناها بوسط قلبي لهايب

ولحظة لفيت البيت بالنوح جبار .......... سمعت منهو يصرخ بعلم خايب

أمي رحيله تم من غير نختار .......... من عقب فرض تممته بسبايب

ربي تقبل روحها دون مختار .......... لمح البصر غضت وروحه هبايب

أخت النشا ما ياهلا بكل خطار .......... هلت بظيف من الولي كان غايب

نورة كما شمس عقب غيم وأمطار .......... وسط الكفن شفته ولآني بهايب

ضميتها وشميتها وصحت غفار .......... ربي عسا الفردوس لك بيت سايب

تقول لي تكفى وأنا أقول جبار .......... اللي أمرني بدفنتك بالترايب

يمه عقب فرقاك أنا أذوق الامرار .......... يمه عقب فرقاك شفت العجايب

أنوح ليلي وارتجي وسط الأسحار .......... وانهار عدن لك عساها وهايب

وقبرك ضواه بخير علمك والأذكار .......... ياللي على الطولات شفتي الصعايب

اخت عيد اللي كما سيل اليا سار .......... خيره يعم اللي عشاهم طلايب

ابكيك ويبكي بغيبتك طفل وجار .......... بحزني على فرقاك ماني بتايب

اليوم شوف البيت من عقبك غبار .......... مافيه غير اللي صفو لك حبايب

من عقب ماني للمسافات بتار .......... لشوف زولك ماحسبت الحسايب

عهد علي اتم كل أمر بصرار .......... ووصيتك بالقلب ولآني بعايب

ياما على شاني سهرتي بالاسفار .......... وحبيتي راسي دون اخوه وشايب

وياما عطت يمناك بسر وجهار .......... وياما لبستي الدرع وقت النشايب

بالله عسا قبرك فراشه من أزهار .......... وعسا الصحابة والنبي لك قرايب

وبالمنتهى سدره لك ظلال يجار .......... وانهار جناته عساها سكايب



اللهم أغمرها بواسع رحمتك وأجعل منزلها الفردوس اللهم اامين وجميع موتى المسلمين

جــــــــــــــــريح الروح ـــــــــــ عبدالرحمن بن محمد العيسى الحبلاني العنزي

انتظر تعليقكم على احر من الجمر واتقبل اي شي منكم لانكم غالين على قلبي يا اهل ديرتي
عسا الحفر منوره وعامره بوجودكم ................... [/frame]