في رحلة العمر من بصرى الـى نينـوى
عرافة الفكر لعبت با الصدف والـودع
قالت : أحدثك والعهدة على مـن روى
عن سالفة حزن فيها نفحة مـن الوجـع
ثلاثه اخوان فا الوادي المقـدس طـوى
تحدثوا بينهـم وانـا وقفـت استمـع
الاول اسمه شرف والثاني اسمـه هـوى
والثالث االما وابوهم حضـرة المجتمـع
قال الكبير اسمعوا حنـا خلقنـا سـوى
واخـاف لا نفتـرق مـره ولا نجتمـع
وليا انقطع بيننا حبل الوصـل والتـوى
وشلون نرجع بعد حبل الوصال انقطـع
انا شرحت لكم العلـه لكـن الـدوى
ماهوبعنـدي وكـل يبحـث ويختـرع
قال الهوى لو فقدتوني وطـال النـوى
اللي يبيني علـى قمـة جبـل يطلّـع
امرّ به عاصفة من صوب سقط اللـوى
او نسمـة بـاردة فيهـا دلال ودلـع
تنحنـح المـا بنبـرة عالـي المستـوى
واوجز كلامه وقـال بصوتـه المرتفـع
ان تاه اخوكم عن السكه وضل وغـوى
ليا حفرتوا فا الارض شوي فـز وطلـع
صد الشرف عنهم وفكره سرح ما ضوى
لين سالوه ونظرفيهـم وطرفـه دمـع
قالوا عسى خير جاوبهم بحـرّ وجـوى
اخوكم ان ضاع مره وحده مـا رجـع