بيت يغنى عن قصيدة

[هنوف نجد]

مبطي وانا لك ياهوى البال مشتاق
شوق العمى لمعانق الشوف لحظة
*********************
الحب لامنه بغى يجرح انسان
خلاه للناس المعافين فرجه
**********************
الحظ عجة والحبايب قراطيس
من يمسك القرطاس وقت العجاجي
**********************
في غيابك كل الملا عندي اغراب
لاحد"ابي قربه ولاحد"يبيني
***********************
غرتني امثال العرب بالشواهد
يبيك قلبي واحسبنك تبيني
*********************
أبكيتني وانا احسبك تكره بكاي
واثرك تلذذ في دموعي وانا ابكي
******************
ماقلت لي تقدر تحدى المقادير
وراك بدلت التحدي بالاعذار؟؟
*******************
بكيت ولاعرفت اضحك بكت من حزني اوتاري
يقوم الحظ لي مره وهو قاعد حيلة
***************
ان حكينا ندمنا وان سكتنا قهر
بين راس"عنيد وبين قلب"عطيب
************
تقول تنساني على البعد واقول
ماهيب لي ياصافي الود عاده
**************
ماكل من يبعد به الوقت ناسيك
بعض البشر قدام عينك وينساك
**************
خلوني استانس بهالدنيا دامني حي
لامت مادري جثتي من دفنها
*************
فل الحجاج وخل عنك الهواجيس
كلن يموت وحاجته ماقضاها
**************
حالي غدى مثل المساويك مبري
ياباري"حالي ترى ابعد ظلام
***************
لاصارت الدنيا ماهي على الكيف
اصبر على ظيم الليالي وقدرها
*************
ودي اشبع منك شوف وما حصلي
كلما طالعتني ضاعت علومي
************
ماكل من يضحك من الهم خالي
ولاكل من يبكي من الحب محزون
*************
لاتعدني غالي وانا يكفي اغليك
ولوبعتني بشريك بالعمر كله
************
سؤال وش حيلتك لامن تولعت بانسان
ودك تشوفه وابعدته المقادير؟؟
**************
ياعين نامي والسهر عنك خليه
ماهوب فرضا"لاعشقتي سهرتي
****************
بكيت من القدر وش عاد اسوي
نويت الصبر وخانتني دموعي
***************
أحبك وانت تحكي عن خضوعك لي بكل غرور
مثل من بكى دموع المذله رافع"راسه
**************
أببتعد عنك قدر اليوم ماامكني
ماهوب عيب" يعاف القلب مشهاته
***************
كانك على قولك تمنالي الخير
ساعدني انسى حبك اللي خذاني
**************
بهديك قلب" صار حبك مقره
مليت توزيع المشاعر على الناس
***************
أقبلت مثل اللي يبشر بمولود
واقفيت مثل اللي يعزى بغالي
*************
خلها في القلب تحرق مابقالي
عادتي ماشكي على غيري عناي
**************
نبي نسلى من الحب ونشبنا
عذاب الحب مكتوب" علينا
**************
جرح" مع الايام يلقى علاجه
وبعض الجروح علاجها نزعة الروح
**************
أشتقتلك كثر اللي بكت عينه ليلة الزفة
شاف اللي تمناها تحل لواحد" ثاني

[ناجي الحفراااوي]

اقتباس: ************* لاتعدني غالي وانا يكفي اغليك ولوبعتني بشريك بالعمر كله ************ سؤال وش حيلتك لامن تولعت بانسان ودك تشوفه وابعدته المقادير؟؟ **************

صح لسانك ولسان شعارها ياهنوف

اختيارات جميله واكثر من رائعه

يعطيك العافيه..

دمتي بخير..

[نورة 14]

يعطيك العافيه هنوف

منقول رائع

[نسـ الشمال ـــيم]

امااا هذا البيت غير

اقتباس: ******************* بكيت ولاعرفت اضحك بكت من حزني اوتاري يقوم الحظ لي مره وهو قاعد حيلة ***************

شكرا هنوفه نقل طيب

[هنوف نجد]

اقتباس: المشاركة الأصلية كتبت بواسطة ناجي الحفراااوي    صح لسانك ولسان شعارها ياهنوف اختيارات جميله واكثر من رائعه يعطيك العافيه.. دمتي بخير..

صح بدنكــــــــــــ

ناجى الحفراااوى

شاكره تواجد

تقبل تقديرى واحترامى

[هنوف نجد]

اقتباس: المشاركة الأصلية كتبت بواسطة نسـ الشمال ـــيم    امااا هذا البيت غير شكرا هنوفه نقل طيب

الشكر لله ثم لكـــــــ

نسيم الشمال على طيب تواجدك

تقبلى ودى وتقديرى

[مديد الجميلي]

صح لسانك ولسان شاعرها

[♥ כـِـِـِّلـِـِم ♥]

//

عـــزالله انها قصيده روعه

بصراحه استمتعت بقرائتها ..

يعطيكـ الف عافيه

أأألــــواافي"

[مرشد الفياض]

.


فعـــلاً ابيـــــات تغنـــي عـن قصــــايد


وهنــوف ذوقهــا يغنــي عـن معلقــــــات0 لكــن اضيفي هذا البيـــت لموضوعــك


فهــو حقـــاُ بيت يغني عن قصيده والقصيــده الكــاملــه نفسهــــا تغني عـن قصــــــايد





[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الهنوف اللي سرت من نجد وامست بالحويه= ضيقت صدرالرياض وسافر الطايف وجاها[/poem]





.

[سعود الصعيري]

هنوف نجد


صح لسانج وصح لسان الشاعر

على هذه القصيده الجزله

والتي تحمل معاني رائعه

الحظ عجة والحبايب قراطيس
من يمسك القرطاس وقت العجاجي


ايوالله من يمسك القرطاس وقت العجاجي

بيت عن الف بيت

رائعه ياهنوف على هذا النقل الرائع


دمتي بخير

تحياااااتي

جرح بقلبي