السلام عليكم ورحمة الله وبركاته
أسعد الله أوقاتكم بكل خير يا أعضاء منتدى حفر الباطن
أحم أحم
ممممم
آآآآآآآ
<< ما يدري وش يقول
بما أني لا اجيد المقدمات ولا المؤخرات من الكلام المعسول راح اخش بموضوعي على طول
وانا افرفر بالمنتديات وانط بقوقل من موقع لموقع ومن منتدى لمنتدى
وخبركم فااااضي لا وراي ارتباطات بمنتديات ثانيه ولاني براعي يوتيوبات ودردشات وترافيانات
قلت ليش يا ولد ما تسجل بمنتدى حفر الباطن
منتدى الديره اللي فيها ولدت وفيها نشأت وترعرعت
فآآآآآ انطنحت وسجلت وقلت اسدح موضوع تركيب أقصد ترحيب
ونتعرف عليكم وتعرفون علينا وناخذ أخبااااركو وعلومكووو
الموهييييم اقامو صلاة الفجر بروح أصلي وراجع لكم
<< من جد والله بروح اصلي واجي اكمل الرد
------------------- أيقاف مؤقت -------------------
-------------- عدنا --------------
وين وقفنا ؟؟
أيه ..
أعجبت بمواضيعكم الحصريه وردودكم البعيده عن السطحيه والمجاملات والتكرار
وحبيت أكون واحد منكم واخذ لي صفحه في منتداكم الرائع
بعطيكم نبذه بسيطه عني
أحب الهدوء وأكره القرقره الزايده << أيه بالحيييييييل بااااين
أحب اللون الازرق علشاني هلالي ..
يعني << وركزو لي على يعني
أعتبروها تهديد ! !
أعتبروها وعيد ! !
أعتبروها تحذير !!
يعــــــــني لا احد يجيب طاري الهلال بشي مو كويس لاني بتله مع شوشته واركض فيه بسرع 120 كيلو متر بالساعه
علشان ما يلقطني الرادار وآآخذ مخالفه << شف كيف وقصم فيوزه ضآآرب
مصمم فوتو + فلاش + 3d + هندسه صوتيه
وأول 3 ردود لهم من أحلى تواقيع فلاشيه << هديه مني .. لا تفكرون انها اغراءات علشان تردون هههه
مصمم أستايلات منتديات + خبير بدعم المنتديات << من الحين لا احد يقول ابي استايل او ابي تسوي وما تسوي
<< صريح ما عنده يمين يسار
الموهيم يقول لكم فيه نقطه سودا على الجدار وش هي ؟؟
ذباااااانه سودا <<< ويك ويك وييييييك أدري انكم ما عرفتو
وبعدين ترا انا احب اكتب بأسلوبي العامي الشخصي اليومي يعني ما احب نظام اللي ييسوي يعنني انا مثقف وثقيل وما ادري ايش
ووووو أيه
وترا ولد جيراننا عضو عندكم << يمزح لا احد يصدق
الموهييييم يقول لكم فيه نقطتين لونهن اسود على الجدار وش هن ؟؟
اتحدا اللي يعرف
أيه ادري انكم ما عرفون
ذباااااااااااااااااااااااااااااااااااااااااانتين لونهن أسود بخخخخخخخخخخ ههههههههههههههههه
<<<< تراي ادري انكم بتقولون وش ذا المهوي المسبك الفاصل الـــ ..... ألخ
ما علينا
الآآآآن انا بطلع احط راسي وانام واول ما اصحى بدق موتري سلف وادعس للرياض
اللي له حاجه محتاجه يبي يرسل شي للرياض يقول لي ولا يرده الا لسانه << مسوي نظام فيدكس
وان شاء الله لنا لقاء قريباً
لن أقول وداعاً بل إلى اللقاء
العرض العادي
