[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black""]
الــناس بالــدنيا ملاييـــن وشعـــــوب=وطبايعــن فــيها الخطــــا والصوابى
الــناس بيــن اثنيــن غــالب ومغلوب=لاهــين يالدنــيا عســـاها الخرابــــــى
هـذا بها كاسـب وهذاك مكســــــــوب=زاد التنافس بينهـــم والســــــــبابـــــى
يبغون جمع المـال والرزق مكتـــوب=كم من حريص فاز غـيره وخابـــــــى
اغرتهم الدنيا عن الدين بسلـــــــوب=ياجاهـلا دنيـــاك هــذى ســـــــرابى
انصحك يافيصل ترى الطيب مطلوب=دربه طويل والمطايـــا صعــــــابى
حافظ على دينك ترى العز مكتوب=فى طاعة الخلاق منشى السحابـــى
حذراك يافيصل تقصر بما جـــوب=واجبك اده بالوفـــا لاتهابــــــــــــــى
أحذرك لاتظلم ترى الظلم له وجوب=جوبه كبير وصاحبه فى عذابـــــــى
أحذرك لاتكذب ترى الكذب عذروب=والصدق ترقأ به برؤس الهضـــــابى
احذرك لاتسرق ترى السرق معيوب=عيبه كبير وفيـــه قطــع الـرقـــــــابى
احذر عــدوك لاتبــــين لــه اعــــيوب=وقرب صديقــك ولا تخــــون الصحابى
الــناس بالدنيـــا وكــلا لــــــــــه دروب=ولا يخدعــك فيهـا لمـــــــيع الســـــرابى
[/poem]
الامير عبدالرحمن بن عبدالله رحمه الله
العرض العادي
