[frame="1 80"] اخواني اعضاء هذا المنتدى الغالي .السلام عليكم ورحمة الله وبركاته.. اضع بين انظاركم هذه الابيات التي اتمنى ان تحوز على اعجابكم
ليت الغلا من بيننا خافين دوم
ولايعرفه بالناس قاصي وداني
ارسل لك ابياتي على حزة النوم
وترسل لي اعجابك بكل المعاني
واشكي لك همومي وتشكي من هموم
واصبر عشانك يوم تصبر عشاني
ويصير حبك داخل القلب مقسوم
متوزعـ(ن) من بين كل المحاني
ويكون جاشك بحر(ن) وفيه انا اعوم
في هاجسك مااغيب لو هي ثواني
واليا تواعدنا بليلـ(ن) به نجوم
مايشبهك الا سهيل اليماني
واشيد في روجـ(ن) على الفم مرسوم
وتقول خلقه ربي اللي عطاني
وتنظرني بعينك وترمي لي سهوم
واصرخ فديت اللي بعينه رماني
لاتنصدم مني ولا تبدي اللوم
هذي ترى ياصاحبي كود (اماني)
يمكن مع الايام لي حظـ(ن) يقوم
وتضحك لي الدنيا .. ويضحك زماني
اقولها وانا من الوقت مضيوم
الله يجازي وقتي اللي ضماني
لاصرت من عشق الغنادير محروم
احسن اعيش (الحلم) لو فيه اعاني
اخوكم / نواف نشمي العنزي[/frame]