لأجل عـينك يالـهنوف

[كرسي مدرسة]

[align=center]بين صلفات الليالـي والظنـون المستريبـه
وبين لوعات الفراق وحسرة النفس وقهرهـا..
جمرة الفرقا بوسط الجوف والخافـق تذيبـه
واللهيب اللي تناول عوجها حـره صهرهـا..
مابقى شي ٍ على كف القضيـه يلتـوي بـه
والقصور العامره لو شان حظه مـا عمرهـا..
ولابقى حكي ٍ على كف الكتابـه يبتـدي بـه
غير بسم الله على ليل ٍ جحدها مـا شكرهـا..
اييه يا هم ٍ تلجلج فـالضلـوع المستصيبـه
هم ٍ يسوق القضيه في خفوقـه مـا قبرهـا..
واه يا شين الرجل لا حس باحساس الغليبـه
وقامت الدنيا تلوفـه بالصواديـف وقشرهـا..
بين نار وبين غار وبين شك وبيـن ريبـه
وان بدى عيبه على المقفين من جوده سترها..
الهنوف اللي سرت في ظلمة الليـل الرهيبـه
ما درت بان المواجع فـي معاليقـه خطرهـا..
ساقت جيوش الموادع من كتيبه فـي كتيبـه
ولا بقى غير الجنايز يوم عدت فـي اثرهـا..
استباحت مـا بقابـه يـوم ملّتـه الرحيبـه
والفرج ماله مواري والعنا حزنـه نصرهـا..
الله اكبر يـا ثقيـل الهـم والفرقـا كئيبـه
يوم راحت ما قوت ترفع على عينه نظرهـا..
صاحت عروق المحاني يوم قلبه في نحيبـه
وجدّد الحزن المواجع دون صدره ما قصرها..
عاد له عشرين ليله والعجيبـه يـا عجيبـه
يحتريها بالعروق وكل عـرق ٍ بـه جررهـا..
ما بقاله غير حزنه والمحاني تصطلـي بـه
والليالي تشتكي من عقب ما غيّـب قمرهـا..
مومن وعارف بان الرجل ماله عن نصيبـه
لو تـدلا مـا تـدلا مـن معاليقـه ثمرهـا..
(والنصيب يصيب والدنيا تجيب اللي تجيبه )
والوقايع فوق حد الوصف واحساسه نشرهـا..
ما شكى غير الصدود ولا شكى غير المغيبـه
ولا قدح قافه يكود الحزن من صالي شررهـا..
الجفا ذنب وعقوبه واللقـا اصبـح مصيبـه
والقهر طم الضلوع وفرحة العاشـق دمرهـا..
يا هجوس الشعر عنيّت المولع وش تبي بـه
ما كفاك ان العباير مـن جفـا خلـه نثرهـا..
ماسك ٍ فيك الخفاره والقصايـد فـي حبيبـه
ما تذوق النوم عينه لو تريده مـن سهرهـا..
ساق قيفان العتـب بالطيـب والا بالغصيبـه
ولا حسب للفود فود وكل همه فـي ضررهـا..
والهوى ماله ضمان وكل شي ولـه ضريبـه
والليالي ما تـدوم ولا تخبـر عـن قدرهـا..
وكل درب وله نهايه .. كل جرح وله طبيبـه
والموّلع لو تناسى صـادق المعنـى ذكرهـا..
دامني صرت الغريب اللي شكى فرقا غريبـه
يحتريها كل ليله لـو خفوقـه مـا عذرهـا..
ودامها من فوق عرش القلب واللي تعتلي به
ليتها عن واهـج الفرقـا تمسينـي مطرهـا..
ابعدت عني وانا اللي كنت احسبنّهـا قريبـه
يوم سلسال المحبه يحتوينـي فـي نحرهـا..
والطموح اللي رسمتها في لقاها صار خيبـه
والمصيبه كان طول في عنا الدنيـا سفرها..[/align]

[al-radar]

واه يا شين الرجل لا حس باحساس الغليبـه
وقامت الدنيا تلوفـه بالصواديـف وقشرهـا..


لاهنتم 000 لاعدمناكم 000 كرسي مدرسه 000 هذا الشعر الجزل 000 ماهو خرابيط شاعر المليون 000

شكرا لكم والى الامام 000 ننتظر روائعكم 000 اخوكم 000 ( الرادار *** القيصومه ) 000

[كرسي مدرسة]

لا ندمت يالغالي لاعدمنا حضورك الطيب

[سليم الشرعان]

صح لسانك ويعطيك العافيه

[كرسي مدرسة]

صح بدنك اخ سليم وشاكر لك مرورك

[هنوف نجد]

ما بقاله غير حزنه والمحاني تصطلـي بـه
والليالي تشتكي من عقب ما غيّـب قمرهـا..
مومن وعارف بان الرجل ماله عن نصيبـه
لو تـدلا مـا تـدلا مـن معاليقـه ثمرهـا..
(والنصيب يصيب والدنيا تجيب اللي تجيبه )
والوقايع فوق حد الوصف واحساسه نشرهـا..

"

"

قصيده جزله لن نعطيها حقها ان مدحنا

فكل بيت له فى الروعه محل


صح لسااان شاعرها

وسلم بنانكــــ// لكــــــ تقديرى واحترامى

[كرسي مدرسة]

صح بدنك اخت هنوف شاكر لك تواجدك الطيب

[ناجي الحفراااوي]

الله اكبر يـا ثقيـل الهـم والفرقـا كئيبـه
يوم راحت ما قوت ترفع على عينه نظرهـا..
صاحت عروق المحاني يوم قلبه في نحيبـه
وجدّد الحزن المواجع دون صدره ما قصرها..


.

.

صح لسانك ولسان شاعرها اخوي كرسي مدرسه

يعطيك العافيه على هذا الانتقاء الجميل..

[الفارس]

هنا .. الذائقه الرفيعه ..!!

هنا .. فقط

وضعت كرسى .. أمام جزاله القصيدة ومعانيها


مبدع .. وقليله فى حقها

[كرسي مدرسة]

اقتباس: المشاركة الأصلية كتبت بواسطة ناجي الحفراااوي    الله اكبر يـا ثقيـل الهـم والفرقـا كئيبـه يوم راحت ما قوت ترفع على عينه نظرهـا.. صاحت عروق المحاني يوم قلبه في نحيبـه وجدّد الحزن المواجع دون صدره ما قصرها.. . . صح لسانك ولسان شاعرها اخوي كرسي مدرسه يعطيك العافيه على هذا الانتقاء الجميل..

صح بدنك يالغالي الله يعافيك وشاكر لك مرورك