غمازتين

[كرسي مدرسة]

[align=center]إيه والله اني ضايق ومرهق ومخنوق وحزين ... واما بموت من الوله والا بموت من القهر.
واللي لعب في حسبت ايامي وخلاها سنين ...اني على ذا الحال ياشعري لي اكثر من شهر.
بعت المدينه لأجل عين وقالو الخافي يبين ... ودفنتك بجوفي وقالو وش بقا بك ماظهر.
يامطول الغيبه ياطول الشوق مير الله يعين ... العاشق اللي عاش ضامي بين عدك والدهر.
عيد بي غيابك سنه والليله من العايدين ... ولا عاد عيدتس يالجروح اللي بقلبي من دهر.
ياصاحبي لو تعتذر عن غيبتك عذرك سمين ... حبك بعد ماغبت عن عيني تمادى وازدهر.
من يوم شفتك والنعاس بعينك النجلا سجين ... ومن نفس ذاك اليوم وعييوني سجينه للسهر.
علقتني بالضحكه اللي تسبق الغمازتين ... وتركت لي شاعر كتب فيك القصايد وأشتهر.
سيلت دمعك وأستباح الدمع ستر الياسمين ... وعلمتني كيف الندى يجمل خدود الزهر.
ليتك عقب ماغبت غيبت اشتياقي والحنين ... او ليتني ماقد دفعة احلام عمري لك مهر.
ياصاحبي لا عاد تسئلني عن الحزن الدفين ... اقسى الطعون الطعنه اللي من حبيب وفالظهر.[/align]

[سليم الشرعان]

صح لسانك ولا هنت

[الفارس]

كرسى مدرسه

اسمك بحد ذاته .. لطيف .. ومحبب

وذائقتك رفيعه



لا خلا ولاعدمك

يعطيك العافيه

[هنوف نجد]

ياصاحبي لا عاد تسئلني عن الحزن الدفين ... اقسى الطعون الطعنه اللي من (صديق) وفالظهر.

"

"
سلمت الايااااادى التى نقلت هذا الابداع

صح لسان الشاااعر// لكــــ// تقديرى واحترامى

[كرسي مدرسة]

اقتباس: المشاركة الأصلية كتبت بواسطة سليم الشرعان    صح لسانك ولا هنت

صح بدنك لاندمت يالغالي شاكر لك مرورك

[كرسي مدرسة]

اقتباس: المشاركة الأصلية كتبت بواسطة الفارس    كرسى مدرسه اسمك بحد ذاته .. لطيف .. ومحبب وذائقتك رفيعه لا خلا ولاعدمك يعطيك العافيه

الله يعافيك لاهنت على الكلام الجميل وشاكر لك مرورك

[كرسي مدرسة]

اقتباس: المشاركة الأصلية كتبت بواسطة هنوف نجد    ياصاحبي لا عاد تسئلني عن الحزن الدفين ... اقسى الطعون الطعنه اللي من (صديق) وفالظهر. " " سلمت الايااااادى التى نقلت هذا الابداع صح لسان الشاااعر// لكــــ// تقديرى واحترامى

الله يسلمك مشكوره على مرورك العطر