[align=center]
بسم الرحمن الرحيم
هنا سجلت اعجابي لهذه الابيات للشاعر والاعلامي الفذ فايز بن دمخ صاحب
فكرة برنامج شاعر العرب وايضا برنامج كاس العرب للفروسيه وايضا
صاحب قناة رواسي ومجلة الوجد بحكم متابعتي للشعر وناسه ومسابقاته
والى اخره لحظنا بالفتره السابقة القريبه من خلال برنامج شاعر العرب الذي يعرض
على قناة رواسي مفاجاتين اثلجت صدورنا كمحبين شعر الاولى إلغاء تصويت الجمهور
وهي الاولى بعالم المسابقات فازت بها تلفزيون رواسي من خلال الاعلامي
فايز بن دمخ والثانيه ايضا مجاراة الشعراء المتاهلين للمرحلة النهائية
من البرنامج لدورته الثالثه الي انتهت من قريب للملك فهد بن عبدالعزيز رحمة الله
عليه وخصوصا ان اللقب زاد شوق الشعراء عليه وخصوصا ان قصيدة الملك فهد
تمثل لهم فخر واعتزاز وخصوصا ايضا ان الشعراء المشاركين من اغلب دول العرب
وايضا هاذي مفخره وايضا الشكر موصول لداعم البرنامج لدورته الثالثه
الامير فيصل بن احمد بن عبدالعزيز حقيقه يعني شعورنا لا يوصف
ونشكر الاعلامي ابن دمخ على ماقدم للامانه ونقلت هنا مجاراة
الاستاذ فايز بن دمخ اعجبتني كثير
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من واهجن فيه المشاعر غزيرات = سجلت نبضات الاحاسيس تسجيل
ماهو رياء والا مغازل علاقات = والا نفاقن في بلاط المحاصيل
سجلت صفحة بالوفاء تنعشل الذات = فيها الفهد وبيوته اللي مضاليل
فهد فهد رمز الفكر والحضارات = اللي بفكره ذلل الكود تذليل
يشهد له اللي في حصون الولايات = ويشهد له اللي عاصر الهم والويل
نظاراته ابعد من حدود المجرات = ولا عرفها بارد القلب والحيل
عساه بالجنه يذوق الملذات = وعساه مايلقى بقبره بهاذيل
اليوم اباوجه بشعر رسالات = لعلها تنفع شيوخ ومشاكيل
وبنحت من الواقع رسوم ودلالات = ولاني ابمكلوفن بهرج المهابيل
اللي تروج للحكي بالاشاعات = اللي لزلات الاوادم محابيل
اليوم سقت القاف بارض المجارات = وباختلف بالقول عن عرض ماقيل
بطرق طريقن ينتحي للسياسات = وبكشف بحسن الظن دق التفاصيل
ياهل السمو يااهل الفكر والمقامات = الوضع يحتاج بثرى الارض تعديل
يحتاج حكمة في كثير المجالات = ويحتاج نظرة ذاقبه في دجى الليل
الشر خيم واحتوى الاتجاهات = وحنا نحط من الشعارات ونشيل
واظنها ماهي بلحيه شعارات = ولاهي بلحيه ياهل العرف تطبيل
يكفي على لا شي حرب وصراعات = وعدونا يحشد علينا اساطيل
نصيحتي جذو جذور المعانات = وسدو على اهل الشر كل المداخيل
الحكم نعمه من أله السموات = ماتستمر وان صار بالوضع تضليل
سيل المشاكل من هدير الخيانات = وطول الزعامه من اخلاص الرياجيل
ذي نظرتي وان كان للناس نظرات = لاشك للتاريخ صفحه وقنديل
وان احمد اللي عالمن بالخفيات = اللي جعلني في ارفاع المداهيل
بين الجبال الشامخات المخيفات = ال السعود اللي منابيعهم سيل
مابين عبدالله عظيم السجلات = وسلطان ابو خالد صدوق الهماليل
ومابين نايف صانع المستحيلات = ومابين سلمان الذي يرهب الخيل
ولايهون احمد بطول المسافات = غيث القلوب الظايقات المعاليل
هذا وللتاريخ وقفه وحزات = ومن واجبي مانساك ياقمة الجيل
اذكرك يافيصل وبذكرك بالذات = يابن احمد اللي جاوز الجدي وسهيل
انت الكرم وانت الهرم والمحيطات = وانت الذي لك زود قدرن وتجليل
يومن ضاع الحق بالاتصالات = وتاهت ملاييني على غير تحليل
وصدو عن الدعم الحقيقي رجالات = طيبك رجح ياهامه المجد بالكيل
رسيت لي مثل الجبال المنيفات = وعدلتها من عقب ماهي على الميل
لك الثنا والشكر عبر المدارات = ياللي بوصفك يعجزن التماثيل
عساك تسلم بالزمن طول الاوقات = ياترثة الماضي وعز المقابيل
انتم هل العوجا ولابه مراوات = شرب المصايب مثل شرب الفناجيل [/poem][/align]
العرض العادي
