والله طفح الكيل.....مليت

[دحروووج]

والله طفح الكيل.....مليت

الانترنت صار مقرف .اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع ,وكيس الخبز اذا شقيته بدون تفك الربطه يسبب سرطان في الابط,والصابون اذا حطيته في فمك يسبب سرطان لثه.والله مليت

كل شي مسرطن .كل شي ضار .. يلعن بليسكم اذا كل شي مسرطن وضار وشلون عشنا.حتى الحب قالوا مسرطن..والشطة الي فيها مادة سو بي كورا مي دقني دقني دقني دق دق دق !!!..مسرطنه

الجح الي يباع في عز الصيف مسرطن.الماء الي تشربه بعد الوجبه يسبب حوله..إذا اكثرت منه

طيب ياخي غصيت وشلون ادف اللقمة .اموت الله يلعن ام الاشاعات..لا والمصيبه اذا صار مصدر الاشاعة شركة تعال شوف.

شركة سنكرس تستخدم زيت الخنزير عشان تدعم اسرائيل!!!..ههه

والله يا جماعه من كثر الخزعبلات تلخبطت الافكار.الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم(عشانها هي اليي تغسله)والله حرام

بلد خربان..كله اشاعات

واي شي تلقاه عندك ومبسوط فيه يقرفونك فيه ويقولون يسبب مرض.مثل عندك الخيار

تحبه ولذيذ والسلطه بدونه ولا شي .يطلع لك طلعه ويقول ان الخيار كبير الحجم يسبب سرطان قولون ولا معدة ولا اي شي يضيق صدرك

طيب ياخي السؤال الي يطرح ... نفسه



الخيار كبير الحجم وش يستخدم فيه!!!!!رد



هذا كوم وتراه ما يخلص وخلونا نروح للكوم الثاني

________________



الكوم الثاني

مليت من الرسايل الدينيه المكذوبة.كلها احاديث مكذوبه ومصطنعه.واخرتها يجي يقولك

قل هذي الجمله؟؟؟؟؟الان كسبت 398321 حسنه..على كيف امك هي.توزع حسنات

لا ويقولك انتبه لا يضحك عليك الشيطان ارسلها.انتبه تضغط دليت ترا اصل كلمت دليت



delete = devel



وتعني الشيطان

تلاحظ انا اول حرفين نفس الشي

de

Vوبدل.ـ

L. بحرف

L يعني لا يضحك عليك الشيطان

Tوحرف

معناها تخسي تضحك علي



وصدقوني انا كتبتها وبعد فترة بتجيكم اشاعة وان مخترع الكيبورد يهودي



الله يلعن ام الخزعبلات يا شيخ
انتبه انتبه ترا الشيطان واقف جنبك



ما درا ان الشيطان هو الي يضحك عليه وطاق معسل جنبه ويقول قم غير لي جمر

والملاحظ ان مصدر هالخزعبلات الدينية هو صغار السن والجهله .والا الي هم في جهه والدين في جهه ثانية..ما اقول ان انا كامل انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..موب قاعد تقول الاذكار ومحمد عبده يدهر معك

سامحوني كل الحكاية ان الكيل طفح.....وعلى طاري الطفح ترا كثرة البربرة في النت تسبب طفح جلدي في مناطق حساسه..............الحق

[صقار]

[QUOTE=دحروووج;544371]والله طفح الكيل.....مليت

والملاحظ ان مصدر هالخزعبلات الدينية هو صغار السن والجهله .والا الي هم في جهه والدين في جهه ثانية..

[align=center]
الله يهديهم ويصلحهم أن شاء الله .

[/align]

[ناجي الحفراااوي]

والله ياخوي اغلب ماذكرت صحيح

توجه بعض الاشخاص إلى تحريف الاشياء

اصبح شغلهم الشاغل في عالم الانترنت!!!

الله يهديهم ان شاء الله..

شكراً لك..

[لينو]

الله يلعن ام الخزعبلات يا شيخ
انتبه انتبه ترا الشيطان واقف جنبك

\
\
\

اخي الفاضل

( ( دحروج ) )

يعطيك العافيه على هالطرح
بدك الصراحه خفت اقراه ليصيبني سرطان بشعر راسي
ما النا غير ندعيلهم بالهدايه

[النصافي]

موضوع أكتر من رائع والأروع اسمك المستخدم ((( دحروج )))

تقبل مروري ولك مني اطيب التحايا

[نورة 14]

طرح مهم ورائع

فقط نسأل الله الهداية

يعطيك العافيه

تقبل تقديري وشكري

[مجنونه]

اخي دحروج في كل مكان يوجد الغث والسمين نأخذ مايفيدنا ونترك ماليس لنا حاجة فيه

كلامك فيه درجه من المبالغه...والرسائل اذا لم تعجبك احذفهااا وانتهينا

تقـــــــــــديــــــــري

[~مطلع الشمس~]

[align=center][size=4]هههههههههههههههههههه

دحروووج تعليقكـ شـــي

وصدقت والله كل شئ الله يكفينا
وياكم الشر تقريبا صار مو زين
وما أدري وش فيه
على العموم ياخوي
الانترنت فيه الزين وفيه الشين
لا تهتم لها الأخبار وتوكل على الله

>>> أحاول إني ما أقرأ الأخبار اللي
تضيق الصدر من أمراض ومشاكل
خاصة اني أتأثر [)[/align]

[دحروووج]

مشكووووورين على مروركم العطر
يسلموووووووووووو الجميع

[المحضر]

الله يعطيك العافية
والله يهدي الجميع