شاب لن أقول أنه (عاق) لوالدته لكنه من المؤكد أنه (غير مطيع) وذاك يتضح من قصيدته الحزينة جداً .. هو أيضاً متهور في قيادته .. تعرض ذات مره إلى حادث وكانت معه أمه فتوفيت وبقي هو علي قيد الحياه وكتب هذه القصيده : يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكن مالقيت اللي يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرحه من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني
واحد ما يحس بقيمت الام الا بعد ما يفقدها مشكورة هنوف على القصيدة والقصة... لك ودي واحترامي
مشكوره هنوف على القصيدة .. لا عدمناك تقلبي مروري كلي دلع
اقتباس: المشاركة الأصلية كتبت بواسطة مادلين واحد ما يحس بقيمت الام الا بعد ما يفقدها مشكورة هنوف على القصيدة والقصة... لك ودي واحترامي الشكر لله ثم لكـــــــــ غاليتى صدقتى بعض الاشخاص لايشعر بقيمه الام الابعد ان يفقدها تقبلى تقديرى واحترامى
اقتباس: المشاركة الأصلية كتبت بواسطة كلي دلع مشكوره هنوف على القصيدة .. لا عدمناك تقلبي مروري كلي دلع الشكر لله ثم لكــــــــــــــ غاليتى شرفنى تواجدكــــــــــ العطر فى متصفحى تقبلى ودى وتقديرى
الله يرحم امه ويثبته انشالله ولازم ناخذ العبره من هالموضوع لان مافي مثل الام ومشكوره اختي هنوف
اقتباس: المشاركة الأصلية كتبت بواسطة موسى المطرفي الله يرحم امه ويثبته انشالله ولازم ناخذ العبره من هالموضوع لان مافي مثل الام ومشكوره اختي هنوف الله يجزاكــــــــــــ خير على الدعاء نسأل الله لوالدته الرحمه ونسأل الثبات له الشكر لله ثم لكـــــــــ اخى الكريم لتواجدكــــــ فى متصفحى تقبل تقديرى وفااااائق احترامى
هنوف نجد رائعه القصيده والله يرحمها وربي يوفقك على النقل الرائع ,,,,,,,,
اقتباس: المشاركة الأصلية كتبت بواسطة حطموكـــ ياقلبي هنوف نجد رائعه القصيده والله يرحمها وربي يوفقك على النقل الرائع ,,,,,,,, اللهم أمين شاااااااااااااكره تواجدكــــــــ فى المتصفح تقبل تقديرى واحترامى