قصيدة أعجبتني معبره للشاعر عشوي العنزي
مالك لوى
ابوي من دمه ابيك وابيك من دمه ابـــــي
...........حنا تخاوينا سوى نبقى على الرفقه ســـــــــــوى
وان شفتني جريت قلبي قبل لا اجر احطبي
..........اصحى تفكر ان قلبي من همومه انشــــــــــــــوى
لاوالذي خالق مذاهبنا ووحد مذهبـــــــــــي
..........اني على كثر التجارب ماتعلمت الهــــــــــــــــــوى
لاني كبيت وجعلني ما اذوق طيحة منكــــبي
.........ولاني انغويت وكنت احسب اني من الصعب اغوى
عشرين عام ضاعت البارح على راس الظبي
.........والفين قلب اشوفه البارح على حزني ضـــــــــوى
والمشكلة قبل احكيها عارف انها بسببــــــــي
.........لاني تجملت الوجيه وماعرفت المحتـــــــــــــــــــوى
ياحيف يا ابن ابوي والدعوة رهيفات العبــــي
.........تلعب جدايلهن على عكف الشوارب واستــــــــــوى
مجنونهن عاقل وعاقلهم جنونه ينسبــــــــــي
.........على لطيف الخصر دام انــــــــــــه زوى زوى زوى
عادي وشفني ما ابي والنفس تمنح اللي تبي
.........وودي وقلبي ما ارتوى ودي وقلبي ما ارتـــــــــوى
شتان وقلوب العذارى تسبي الخاطر سبـــــي
.........ترقص على نبض الخفوق اللي على فراقك نــــوى
ببعد وبكون ابعينهم حر تغناه الابــــــــــــــــي
.........حر تكبل معصمه والذيب من دونه عــــــــــــــــــوى
المعنى اني تاركك عد الجرادة والدبــــــــي
.........وانا مع اللي مثل طير في فضائه ما التــــــــــــوى
اسمع تعال وركز في كلامي ياصــــــــــــــبي
.........ترى الغدر ماهو يقرب عند صلفين النــــــــــــــــوى
وانت غدرت وكون غدرك ماتطاول لشنـــبي
.........بسكت وبطويها مع اللي من زمانه انطــــــــــــــوى
لكن احب اقول يؤسفني طموحك يالغبـــــــي
.........تو مامداك اتجيب راس اللي هواني وانهــــــــــوى
اعرف ثقافة كورتي قبل احتلالك ملعــــــبي
.........واعرف تراني لاعب رقص كبار المستـــــــــــــوى
اتطيح من عيني قبل لا اتطيح من كثر الحبي
.........وليه اشتكي لك دام قلبي من علومك انكـــــــــــوى
روح فمانك قبل لا اعدك سواة الاجنبــــــــي
.........وان كان بوصي خفوقك ماني بقايل ســـــــــــــــوى
لا ابوي من دمه ابيك ولا ابيك من دمه ابي
........وان قلت لي كنك ولد عمي بقول مالك لـــــــــــــوى.
مالك لوى / للشاعر عشوي العنزي
العرض العادي
