كيفية شحن موبايلي عن طريق الإنترنت !

[الهمـس]

يـ اخ جروح نعم تقدر تشحن موبايلي عن طريق الصراف الالي والهاتف المصرفي تبع البنك وعن طريق النت


انت قلي وين حسابك اول شي عشان افيدك ..واذا كان الكونكت موبايلي ( الجهاز اقصد) وانت بمكانك حتى الشريحه لاتطلعها .. بس قلي وش بنكك:)

[بنوته جنان]

يالله ياجروح الذاكره

بك صفه ثانيه غير اللقافه
الــــــعجز ^_^

والله كان خاطري اخدمك بس ماعرف لامبايلي ولا لصراف

[جروح الذاكرة]

اقتباس: المشاركة الأصلية كتبت بواسطة خلااااص برحـــل    انا ستخدم الطريقه الروتينيه بشحن ادفع كاش مااعرف غير كااااااش مااعرف ادفع بالبنوك >>> هذا اذا كان عندي رصيد بالبنك بطاقه بميتين ايام النعمه واذا كانو اهلي راضين علي بس الحين ابشحن بميه لن عندي دي سي ال ماادري ليش اشحن الكنكت بس الويرلس مايوصل لغرفتي لازم اجلس على الدرج او اجلس تحت بالصاله من جد تخيلو شكلي الساعه 2 من الليل على الدرج هههههههه علشان كذا اشحن الميتين استفيد منها بشي ثاني ابرك بس الاشاره ضعيفه جدا عندي وجيرانا حاطين رقم سري ماادري ليش يسوون حركات الرقم السري ماشاء الله عليك ياجروح الذكرى والله طلعتو مثقفين ؟؟ ماعمري شريت كتااااااااااب ؟؟ افكر >>> اروح اليوم للمكتبه واشتري كتب والله ماتقصر الله يجزاك خير على كرم واعطائك الكتب للي يحتاجها عندك روايات رمنسيه تفكر تطلب منك كتاب الشقه ؟؟؟>>>> شكله حلوووو او لخصوه لي واكتبه بالمنتدى ؟

الكاش مشكلة ، لازم تطلع من البيت وإحتمال تحصل وإحتمال ماتحصل . مرات كثيرة اجي على أكثر من سوبرماركت حتى أجمع بطاقات شحن .

على العموم يا خلاص بالنسبة للروايات الرومانسية التي تتحدثين عنها ، انا وبكل أمانة أنصح الجميع فتيان وفتيات بعدم الإقبال عليها . لأنها تجعلك تعيش في عالم من الخيال ، وتعتبر عامل أساسي لزيادة المخزون العاطفي عند القارئ في الوقت الذي يجد فيه كثير من الشباب المراهقين على وجه التحديد الصعوبة في كيفية تفريغ هذا المخزون . وكثير منهم عندما يكون مدمنا ً على مثل هذا النوع من الروايات يتفاجأ عندما يخرج إلى الحياة الواقعية سواء عند الزواج أو عند إرتباطه بعلاقات صداقة ، حينها ليس بإستطاعتة الصمود أمام اول إختبار يتعرض له ، فترجع نتائج هذا الإختبار بطريقة سلبية على نفسيّة الشخص . إحتمال يكون عمرك بين 17 و 22 لذا أنصحك بقراءة المؤلفات التي من شأنها تغذية العقل كتلك المتخصصة في الحياة الأسرية وتنمية المهارات أو المتخصصة في الإدارة والإبتعاد عن الروايات الأدبية مهما بلغت من مجد وشهرة . رواية " شقة الحرية " لغازي القصيبي رواية جميلة وتعتبر من أجمل المؤلفات التي قدمها هذا الأديب ، لكن يجب أن لا نغفل عن مكامن الخطر الموجودة في الرواية . الرواية شأنها كشأن روايات الشميسي و جروح الذاكرة وكثير من الروايات التي خرجت لنا في الفترة الأخيرة والتي لا تكاد تخلو من الثالوث المحرم ـ الدين ـ الجنس ـ السياسة . لذا نصيحتي هي الإكتفاء بالمؤلفات المتخصصة بعلوم الإدارة والإجتماع وبالأدب الساخر . والإستغناء عن المؤلفات الرومانسية التي أصبح المحظور " التابو " هو المقياس لنجاحها عند كثير من الناس .

شكرا ً لك

[جروح الذاكرة]

اقتباس: المشاركة الأصلية كتبت بواسطة ?؟استفهـــام؟؟    شكرآ لك ...وسوف ابحث عنها في مكتبة جرير , واذا لم اجدها سوف اتواصل معك بأذن الله... شكرآ لك مره أخرى لتعاونك ...وجزاك الله خير الجزاء... وبالتوفبق أن شاء الله للجميع....

العفو يا إستفهام .

هناك أكثر من مكتبة يوجد فيها عدد من الكُتب الممنوعة . مكتبة الكتاب في الرياض ـ طريق الملك عبدالله . مكتبة المتنبي في الدمام ـ شارع المستشفى . عدا مكتبات المتخصصة بالكتب المستعملة . على العموم إذا كنت شغوف بالقراءة من الأفضل أن تحصل على إشتراك من إحدى المكتبات يتم من خلاله إبلاغك عن الجديد من الكتب وإيصالها إليك .

[جروح الذاكرة]

اقتباس: المشاركة الأصلية كتبت بواسطة ناجي الحفراااوي    تلحلح وحرك نفسك تراك صاير سمين من الجلوس مافيه طريق عبر الانترنت واذا كلش مالك خلق تحرك دمك خلك عند باب بيتكم بعد 30 دقيقه اكون عندك بس فيه سؤال بيتكم للحين مثل ماهو بالدور السابع والعشرين ببرج المملكه

خخخخخخخخخخخ

لو تسأل أحد من أهلي وتقول لهم وش أمنية جروح اللي دايم يقولها لكم ؟ . بيقولون لك على طول : إنه يجيب سواق يوصله لأي مكان يطلبه ويخلص طلباته .

ناجي تصدق كل ما شفت رد لك على مواضيعي اقول هالحين فيه مكرمه ملكية من النايف وبيوزع فيها لاب توبات على كل عضو تعدت مشاركاتة 2464 خخخخخخ


مشكور يا حلو


جروح الذاكرة " يسكن في قلب ناجي " <<<< إيه هين

[جروح الذاكرة]

اقتباس: المشاركة الأصلية كتبت بواسطة الهمـس    يـ اخ جروح نعم تقدر تشحن موبايلي عن طريق الصراف الالي والهاتف المصرفي تبع البنك وعن طريق النت انت قلي وين حسابك اول شي عشان افيدك ..واذا كان الكونكت موبايلي ( الجهاز اقصد) وانت بمكانك حتى الشريحه لاتطلعها .. بس قلي وش بنكك:)

ساب & مصرف الراجحي


هاه بشر

[شقاوه]

جروح الذاكرهـ ==<< داخله عشانك باالعربي

ومااقدار ارسلك رساله كنت بتهور وبحط موضوع بااسمكـ ..

باالعربي مسجله عشان رد لك خخخ

ابي اسألك مااقدار اكلمك خاص رسائل ليه مدري

المهم ابي اتواصل معك الحين .. ؟!!!!!

[جروح الذاكرة]

اقتباس: المشاركة الأصلية كتبت بواسطة بنوته جنان    يالله ياجروح الذاكره بك صفه ثانيه غير اللقافه الــــــعجز ^_^ والله كان خاطري اخدمك بس ماعرف لامبايلي ولا لصراف

ماهي لقافة ، لكن أحيانا يقابلك واحد مقفل مخه فتكون مجبور إنك تستعبط عليه . وبالنسبة لطلب الشحن عن طريق النت هو من باب تسخير التكنولوجيا في الأمور الحياتية . ما سمعتي في الجداوي اللي حضر يوم الملكة عن طريق الكام ، هو في أمريكا وأهله في جدة ، الظاهر إذا جاه ولد بيسميه " ياهو " .

على العموم مشكورة ويعطيك العافية

[جروح الذاكرة]

اقتباس: المشاركة الأصلية كتبت بواسطة شقاوه    جروح الذاكرهـ ==<< داخله عشانك باالعربي ومااقدار ارسلك رساله كنت بتهور وبحط موضوع بااسمكـ .. باالعربي مسجله عشان رد لك خخخ ابي اسألك مااقدار اكلمك خاص رسائل ليه مدري المهم ابي اتواصل معك الحين .. ؟!!!!!

كان الهدف من فتح موضوع خاص فيني هو لجمع تبرعات لجروح علشان يهيف على وحدة من هالديار اللي نشوف صورها بقسم السياحة والسفر ، مافيه مانع .

على العموم خدمة الرسائل الخاصة غير موجودة في المنتدى تفاديا ً للإزعاجات ، وتشكر الإدارة على هذا القرار .
في رابط خدمة راسلني موجود في التوقيع بإمكانك كتابة السؤال فيه بواسطة رسالة .

وشكرا ً .

[جروح الذاكرة]

ياليت أحد يوضح لي طريقة إستخدام الإقتباس المتعدد ، حتى نرد على الأخوان عن طريق رد واحد .

على العموم أحد الأخوان : أرسل لي طلب وإستفسار :

كان الإستفسار يخص تحميل الكتب عن طريق الإنترنت ، وأنا سبق إن وضحت وبينت في أحد المواضيع وقبل فترة طويلة أن هذا الشيء غير محبب بالنسبة لي . القراءة عن طريق الشبكة العنكبوتية من خلال تحميل الكتب لها فائدة واحدة تتمثل في الإستفادة من القراءة والإستمتاع بها ، عكس القراءة من الكتاب ، التي لها أكثر من ثلاثة فوائد ، منها : أنه وبعد مرور الزمن تكتشف بأنك أصبحت تملك " مكتبة منزليّه " . ترجع إليها عندما يكون لديك وقت فراغ . فائدة ثانية وهي أن كل كتاب تشترية سيكون تخليدا ً لمرحلة من مراحل حياتك ، مثلاً تكتب في صفحة الغلاف من الداخل ، إسمك ـ والمدينة التي إشتريت منها الكتاب ـ وتاريخ ذاك اليوم 31 ديسمبر 2009م مثلا ً . الفائدة الثالثة وهي وبعد الإنتهاء من القراءة بإمكانك تلخيص ما قرأت بواسطة عدد من النقاط وكتابتها في الصفحة الأخيرة من الكتاب . هذه هي الطريقة التي أتبعها وحبيت أنقلها لكم .