انتبه باقي على شــفــتــك روج

[وائل بن فرحان]

[align=center]يــــاعين مـــن حطيـت عينـي بعينـه
وابطيت واقف في بحر عينه أمـوج

ابحـرت فـي عينـه بليـــــــــا سفينـه
سجيت فيها ليــــــن ضيعنـي المـوج

حاولت الــــد الشوف عمـــــا يهينـه
ولا انتبهـت الا وانـــــــا فيـه مبـلوج

شفت الفتن فـــــي ملتقـــى حاجبينـه
السحــر في عينه مع الزين مدمـوج

اســـــود ســـــواده لابستـه السكينـه
وابيض بياضه طايش اللون مرجوج

زاويـــــه طـرف ٍ حـــــاجـز ٍ دمعتينـه
لـــــــولاه كان الخـد بالكحـل ممـزوج

كـــــاسيه رمـش ٍ زاد ملحـــه وزينـه
من فوق متكحل ومن تحت مــدعـوج

بين الرمــوش الســود شفـت الغبينـه
واللي رمـاه الرمش مـــاعاد له بـوج

مرت ثوانـــي مـن حيــــــــاتـي ثمينـه
وانا اتهادى بيـن الاشــــــواق وأدوج

مرت وانـــــا قابـض علــــى راحتينـه
واقف مقابل لـــه وســاهـي ومدلـوج

مدري وش اللي صــار بينــــي وبينـه
والقلب مــــاردنــــه ضلوعـي العـوج

ولا انتبهــــــــت الا بسحـــــبـت يديـنـه
قال انت تبغى النــاس تلحقنـي هـروج

قلت اعذر اللــــي شــــافـك الله يعينـه
يبطي ودمعــه بعد فرقـــــاك مزعـوج

عينك بنظــــــــرات الغـــــلا مستهينـه
قال الغــلا في داخــل القلــب منسـوج

قلت الوعــد قال ايــه كل شيء بحينه
الله يفتح لك مــــن الضيقــــــة فجـوج

قلت آآآه طيب شف لــــي الدرب وينه
قال انتبه بـــــــاقـي علـى شفتـك روج[/align]

[مرشد الفياض]

قلت آآآه طيب شف لــــي الدرب وينه
قال انتبه بـــــــاقـي علـى شفتـك روج

ههههههههه وائــــل لاهنت

قصيده جميله فيها وصف خيالي

ابدعت في النقل
تقبل مروري

[سندرلا الحفر]

شكرا اخوي وائل اعجبتني كثيرا هذي القصيده اشهد بالله ان الذي قالها شاعر متمكن

والذي نقلها متذوق اوشاعر مميز

[وائل بن فرحان]

اقتباس: المشاركة الأصلية كتبت بواسطة مرشـــد حمــد الــفــيــاض    قلت آآآه طيب شف لــــي الدرب وينه قال انتبه بـــــــاقـي علـى شفتـك روج ههههههههه وائــــل لاهنت قصيده جميله فيها وصف خيالي ابدعت في النقل تقبل مروري

الابداع مرورك ...

[وائل بن فرحان]

اقتباس: المشاركة الأصلية كتبت بواسطة سندرلا الحفر    شكرا اخوي وائل اعجبتني كثيرا هذي القصيده اشهد بالله ان الذي قالها شاعر متمكن والذي نقلها متذوق اوشاعر مميز

العفووو ... والله يسلمك هذا من ذوقك الرفيع ..