[align=center]ليه الجفا يازين ليه التغلي
انا ترى يازين ماقوى تغليك
ارجوك راعيني بنظره تسلي
قلبي تعذب من جفاك وتخليك
انا هويتك ايه انا ابقاك ياللي
ياللي ملكت الروح في راحه ايديك
لاشفت زولك ذبت يازين كلي
وياكثر انا افرح لاسمعت بطواريك
انت بصراحه انت كلي بكلي
انت بصراحه كل يوم(ن)اغنيك
ياشمس عمري وان تضايقت ظلي
مثل البحر مثلك ومثلي غرق فيك
اليوم اشوفك لاهيه بالتغلي
وطبع الجفا والصد اصبح مماشيك
من قبل احسبك بالهوى فاظننلي
واليوم بان الحق الله يجازيك
غربلتني ضيعت عمري ومن لي
غربلتني واليوم خاب الرجا فيك
وآخر كلامي مايفيد التغلي
خذها نصيحه مايفيدك تغليك[/align]