شاعر منسم أرسل لولد عمه طميش هالقصيده
يـاطـمـيـش مـاودّك نـحـرّر فـلـسـطـين
ونـثـيـر فـي قـلـب الـيـهـود الـجـزاعـه
نـسـطـي عـلـيـهـم مـع قـروم ٍ شـيـاهـيـن
ونـدّبـهـم دبّـة سـنـه بـنـص سـاعـه
ونـجـز روس مـلـفـقـّيـن الـعـنـاويـن
الأرض صـارت فـي يـديـهـم بـضـاعـه
ونـوجّـه الـحـمـلـة عـلى سـور بـرلـيـن
ونـطـبّـق أنـواع الـقـتـل والـبـشـاعـه
ونـحـتـّل رومـا وانـتـعـدى الـمـحـيـطين
ونـعـيّـش الـغـرب بـعـذاب ومـجـاعـه
وإن كـان فـيـنـا نـفـس حـيّـه ونـشـيـطـيـن
وفـيـنـا عـلـى مـاقـيـل بـعـض الشجاعه
نـأخـذ لـنـا صـولـه عـلـى الـهـنـد والـصـيـن
ونـهدم لـهـم سـور ٍ كـبـيـر إرتفاعه
وأحـكـم أنـا وأقـوم أحـط الـقـوانـيـن
مـاغـيـر تـسـمـع قـول سـمـع ٍ وطـاعـة
أعـدم مـلايـيـن وأعـتـق مـلايـيـن
وأنـوّخ الـكـوكـب بـفـن وبـراعه
الـفـيـلـم خـلّـص وانـتـهـنّ الـمـضـامـيـن
نـار ٍ طـفـت يـافـلان قـبـل انـدلاعـه
حـنّـا عـرب مـافـيـه شـك ٍ مـسـاكـيـن
نـصـنـع شـمـوخ ٍ بـالـسـوالـف صـنـاعـه
فـيـنـا الـولـد لاقـال يـحـكـم سـلاطـيـن
لـسـانه أطـول لاحـكـى مـن ذراعـه
تـبـي الـصـراحـة عـاد مـامـن فـلـسـطـيـن
خـلـنـي أقـيّـل يـاولـد نـص سـاعـه