اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 20-08-09, 09:17 PM   رقم المشاركة : 1
(حفراوي)دوت كوم
عضو فضي
الملف الشخصي






 
الحالة
(حفراوي)دوت كوم غير متواجد حالياً

 


 

mnn قصيده فكاهيه عن الددسن

ياللي تناظرني علـى موتـرٍ زيـن
ياكبر فـرقٍ بيـن حالـك وحالـي

أنـا علـى نيسـان سـت وثمانيـن
وانته علـى جيـبٍ جديـدٍ وغالـي

الددسـن اللـي زادت الهـم هميـن
يالله تسامحهـا بكـثـر العطـالـي

أصبحـت وياهـا قضيـة فلسطيـن
كم ذقت منهـا مـر ماذقـت حالـي

نوبٍ تبي طرمبـه ونـوبٍ بليتيـن
ونوبٍ مبنشـرةٍ علـى راس جالـي

نتعتها ليـن انلعـن حظـي الشيـن
وناديتهـا بصوتـي تعالي..تعالـي

حتى اعرفوها بالـورش والدكاكيـن
تارد حياض الموت بنـت الحلالـي

لكن علـى ماذوقتنـي مـن البيـن
مافـي غلاهـا ياجماعـه جـدالـي

أحبهـا والحـب فالقلـب والعـيـن
حب المواقف فـي صعيـب الليالـي

يوم ارفعت رجلي بوسـط المياديـن
وعـن منـة العالـم وقيـلٍ وقالـي

والا انت ياللي فوق جيب السلاطيـن
الشمـس لاتحرقـك رح للظـلالـي

مانته بمثلي تشكـي الفقـر والديـن
تاجر وفي وقتـك مريـحٍ وسالـي

أنته رصيدك حول (عشرة ملاييـن)
وانا (اربعين) ريال هي راس مالـي

وانته تصيف بيـن لنـدن وبرليـن
وانا يصاليني من الشمـس صالـي

وانته تعطل من ضحى يوم الاثنيـن
وانا الخميس من الشقـاء ماصفالـي

مارحت تسرح بين سود الضلاعيـن
ولالاوفت راسك هبـوب الشمالـي

ولارحت تستاجر عمـاره بدوريـن
مسكنك قصر وفوق روس الجبالـي

وعيشتك ماهي رزٍ ابيض ولا اطحين
أكلك مـن "التورتـات" ياهملالـي

ماظنـي تكاسـر ولاقايـلٍ شـيـن
مشراك باعلا سعـر مانتـه مبالـي

ولاظني اقطعبك هكالجيـب بنزيـن
عندك كما الماء راهيٍ لـك زلالـي

ولاظنتي راتبـك بحـدود الالفيـن
لك شركةٍ تجلـب عليـك الريالـي

نومك يجيك ان شاورت يمه العيـن
وانـا اتقلـب والكـرى ماهنـالـي

وشلون انام وهمي شهـور وسنيـن؟
وانا اتذكـر همـي اللـي مضالـي

ياعنـك ماطقـوا عليـك الديـايـن
مرتاح بالـك ميـر ياضيـق بالـي

ماقلـت للديـان طاااالبـك بعديـن
الشيك في مخبـاك والحـظ عالـي

واللـي سواتـي والله انـه مسيكيـن
حـاول وعيـت لاتجـي باحتيالـي

ياناس ويـن اروح قولولـي لويـن
ياعزتالـي ضـعـت ياعزتـالـي

لكـن لنـا ربٍ يعـدل المـوازيـن
سبحانـه المعبـود رب الجـلالـي

ابتصبـر وقـت والخالـق يعـيـن
جعله يعوضني عـن اللـي جرالـي

وياللي تناظر..مسرعٍ..وبطرف عين
ليت الزمان اللي صفالـك صفالـي



ارجو من كل قلبي انها اعجبتكم







رد مع اقتباس
قديم 31-08-09, 04:18 PM   رقم المشاركة : 2
حفراوي 111
عضو نشط
الملف الشخصي






 
الحالة
حفراوي 111 غير متواجد حالياً

 


 

رد: قصيده فكاهيه عن الددسن

عزاه والله من القهر اللي يشوفه السيارة كل شوي خربانة والموديل قديم ولا معه شيئ واللي مسلفينه يبون حلالهم والراتب قليل ويتمنى يعيش مثل الناس الله يكون في عونه تجمعت عليه من كل صوب .


والله ياخوان ان هالقصيدة انها تمس مشاعري جدا لانني عشت اغلب مافي القصيدة ولكن الحمد لله تحسنت الآمور ولله الحمد والشكر اولا واخرا







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:51 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم