هذي قصائد اخترتها لكم ارجو ان يحوز اختياري على رضاكم وابتديها بقصيدة للشاعر سليمان الهويدي وهو شاعر غني عن التعريف
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياصالح.. البحث خله واتـرك الماضـى = عـوج الليالـي.. عسـى ربـك يعدّلهـا
لاتتبع النفس.. ترّث فيـك الامراضـى = وادع الحواسيـس عنـّك لا تخيّلـهـا
واعمل لدنياك واخرتك وكـن راضـي = وارزاقنـا عنـد رب العـرش كافلهـا
وأسلك طريـقٍِ سليـمٍِ.. فيـه تعتاضـي = بعض المواقف.. تبيـّض وجـه فاعلهـا
واحذر تسارع على الهرجة وتغتاضـي = =دعوى تعـدّاك.. لاتشـرح بفايلـهـا
عندك خبر بالعلوم.. اطوال واعراضي = ماتنقضي الحاجة اللـي ماتقـوم لهـا
وافطن لوقتٍِ ..رمى راعيـه بالحاظي = =دنيا.. لشـروى الفهـد تنصـب حبايلهـا
الوقت هو الوقت والافراض الافراضي = هذي نجـوم السمـا، وهـذي منازلهـا
مابـه تبـدل، ومـدّ البحـر.. مافاضي = تبدلـن الضمـايـر.. مــن يــحلّلها؟
ولو تنصف الناس.. مانحتـاج للقاضـي = تلقـى المحاكـم.. خفيفاتٍ مشاكلـهـا
ولو ما الغنايم.. تجي وهبـات.. وحظاظي = كان اكثـر اللـى تشوفـه.. مايحصلهـا
ومن راقب الخلق.. يكسب هم.. بالفاضي = كلٍّ هدومه.. على قـدّه.. يفصّلهـا
والختم اصلّى.. عـدد مابـارقٍِ ناضي = علـى نبـىٍِ بـدا السنّـة وكمّلـهـا[/poem]
وهذ قصيدة لصقر النصافي
((فـن الـمـلاحـــــة))
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مـن منـطـلـق فـن المـلاحـه والطيــور الطــايــرات = مـاهـمـنــي نـاسٍ تـطيـــر ونـاس معـهــا طـايــره
عـزّيــت راس الـمــال عـن ســوقٍ تبيـع البـايــرات = ولانـي مـن اللي جـا يـروّج لــه بـضــاعـه بـايــره
مـن حــر مـالــي لا بغيـت اشـري وحُـكم الدايـــرات = حـكـمـتـها يـوم السيـــاسـه فـن حـكـم الدايـــره
ياللــي تقـــول ان اليــالي مـن بـلاهـن جـايــرات = اعــرف تـرى بعـض اليــالي مـن بلاهــا جــايــــره
احــذر تشـب النــار ودلالــك عليــها فــايــــرات = ياللــي تشـب النـــار والدلــه عليــهـا فـايــره
حتيــش لـو انـك حـدث وتصيــر ضمـن الصــايــــرات = منهـو يقـــول انـك مثــال احـداث قبـلك صـايــره؟
شفـت النجــوم بحكمـة اللـه فـي فلـكهن سـايــرات؟ = عليــك بسهيــل اليمــاني ,, كــان تقـدر؟ سـايــره[/poem]
وهذي ايضا قصيدة للنصافي وهو يحاور الذيب
الشاعر:
يا ذيب وش علّمك تهيض السانى ××× بعواك يوم ان المخاليق غافين.
الذيب:
انا بلايه قو جوع حدانى ××× الليل قمرا والضوارى فواطين.
الشاعر:
ياذيب حسّك فى منامى شعانى ××× لولا الحيا جاوبت صوتك بصوتين.
الذيب:
عزى لمن مثلى جداه اقنبانى ××× ماله جدا والناس ما هم بمعطين.
الشاعر:
ياذيب ياللى بالخلا ما تدانى ××× ما شفت لى حول الثميله ابويتين .
الذيب:
مريت لى بيتين يا مودمانى ××× عنها شمال وفى ظبطها مقيمين .
الشاعر:
ياذيب ما قاربتهم باختلانى ××× يا كود تبخص فى فريق اريش العين.
الذيب:
انا الذى من شاف زولى نحانى ××× ما احرزت اجيهم خابر غيبهم شين.
الشاعر:
يا ذيب ما عينت صافى الثمانى ××× عند الغنم والاّ يرد البعارين.
الذيب:
انا ما اعرف الصاحب المرحبانى ××× والناس واجد والعذارى مزايين.
الشاعر:
ما رّيته ياذيب عوده ليانى ××× والنور بين اقذيلته والحجاجين .
الذيب:
هذاك انا قبل امس شفته وجانى ××× من كثر دمعه محفى محجر العين .
الشاعر :
الله يوفقك الشياه السمانى ××× من مال كرهين الوجيه البخيلين
ارجو ان تكون القصائد حازت على رضاكم