ابلخص لكم تجاربي واتمنى من الله لكم الفايده ولي الاجر وطبعا اطمع بتجاربكم يابنات لاتحرمونا بليز عشان يكون مرجع لأي بنوته تحتاجه
تفصيل؛؛
-مشغل سحر الشرق عند الخياطه الفلبينيه بيجا
-خياط افراح
-مشغل جمانه
(كلهم بشارع الملك عبد العزيز مقابل لغاليري)
- خياط السلام عند الغيث والخربوش<< يمدحوووونه بس ماجربته لاني جيته بتصميم من مخي
ورفضه يبي صور واختكم عاد عشقهااا الابدي التصميم الذاتي لزوم التميز
لكن اليد مو فنانه ابدااا بالرسم لان الصوره تضل بتخطيط مخيخي
وهو عوووب ابوهناد دبل جبدي
وفهمتني الفلبينيه بيجا شطوووره وظبطته لي طلع روووعه حتى هي عجبها
الكلف والاقمشه::
- اقمشة سهرة فخمه وغاااليه (البازار) بالعقاريه
-منوع للدراعات وبدل الاستقبال والسهره (البيداء ) بالعقاريه
-روائع الكلف ماشاء الله كلفه وتركيباته ممتازه ولو تجيبين له اي شغله تبي تركيب
كلف يسويلج على طلبج واميين حييل ومحترم اليمني اللي فيه بالعقاريه
-سحر الشرق منوع جنب حدائق الحفر
-السيف جنب محل سمبل
رد: خياط /مشغل مظبوط :: محل أقمشه/ كلف ممتاز,,شاركينا تجربتج
والله جاااااااا بوقته...انا مع اني لي فتره بالحفر بس مااااااعرف شي وودي بخياط شااطر...مادام مدحتي كم مشغل وخياط اختصرتي على المهمه .........ربي لاااايحرمني منج يارب ومن تجاربك..
رد: خياط /مشغل مظبوط :: محل أقمشه/ كلف ممتاز,,شاركينا تجربتج
اقتباس:
المشاركة الأصلية كتبت بواسطة اخت اخوها
حياكم الله عندي خياطه منزليه اكثر من ممتازه وبااسعار رخيصه
ماعندي مشغل كامل فقط خياطه
الي جاده تدزلي ايميلها
ايووالله انا واختي جادات اذا اسعارج رخيصه بنفصل كل شهر عندج
بدله ودراعه
بس لازم يطلع مضبوط نفس الموديلات اللي هابين فيها الحريم هاليومين
مثل ميني دراعه وشغلات السدو وغيرها
يعني الموديل ناعم وذرب وعلى صدر تركيبات او شغل ايد الفلبينيه حسب الصور
طيب كيف ارسل لج الايميل وثاني شي لو تدزين لي موديلاتج يكون افضل بعد