السلام عليكم ورحمة الله وبركاته
نظراً بحلول فصل الصيف وكثرت البلاوي والمصايف و ( التسمم ) أريد أن أخبر جميع موظفي قسم النظافة الله يخلف عليهم ما عندك أحد ليه ، أول شيء البلدية شاطره في جمع الرسوم على اللوحات والرخص وقص هالغرامات على أصحاب المحلات ووووووو ( إلى بكره وحنا نعدها ) صحيح وأكثر شي في هالقسم قسم النظافة تكثر الفزعات ( راح الناس بسبب الفزعات ) تلقاه واحد من جماعة موظف بالبلدية بقسم النظافة عنده مطعم والمعطم خلف الله أنواع الوساخة يجي المراقب يقفل المطعم ثم يتصل صاحب المطعم على هالمراقب ( خويه أو احد من الجماعة ) يقول والله البلدية قفلوا مطعمي أبي فزعتك ياخوي عاد صاحبه المراقب ضعيف ذمه يطق صدره ثم يقوله أبشر يتصل على المراقب اللي فقل محله ليش وووووو ثم يقول له أفتحه علشاني هالمره ( فيه واسطات ) هذا بلاء أبوك ياعقاب مانبي الوسطات في الوساخة يا وسخين . وأضرب لكم أقوى مثل على أن البلدية شاطره في جمع رسوم اللوحات ( أي شيء فيه قروش ) شوفوا هالصورة :
سوق الأسماك كم يبعد عن البلدية على مايقولون حذفة حصاة يعني لو أنا واقف عند باب أبعد محل سمك وأحذف صحاة على طول تضرب أول ( دريشة ) من البلدية . ومع ذلك روحوا شوفوا الوساخه ، النظافة معدومه ريحه المحل تجيب الموت ، الزيت اللي يقلى فيه السمك يجيب الهم يكرر في عملية القلي يعني تلقاه يقلي فيه لمدة شهر يتم وضعه في وعاء بلاستيك ثم يوضع فيه قطع من الليمون علشان ما يطلع له رائحه عند القلي فيه . بالله عليكم يا المراقب هل راقبت الله عندما تم توجيهك إلى نظافة المطاعم في المرتبه الأولى والمواد المنتهية الصلاحية في المرتبه الثانية . ( والله ما تنفعك الفزعات )
آآآآآآآآآسف على الأسلوب الخشن في طرحي للموضوع ولكن يعلم الله أني متأثر لما أسمعه في الصحف عن تسمم عائلة في محافظة حفر الباطن في أحد المطاعم أو في أي مدينة أو محافظة أو قرية .