كابرس93 ابيض مخزن اخو الجديد نظيف جداا

[هلي99]

السلام عليكم يسعد مسائكم جميعا ياأخوان
للبيع كابرس 93 آخذه من اللي فاكه من محافظة شقراء ماشي 84الف ميل يعني حول 122الف كيلو
طبعا راعيه يقول فاكه من الجميح وجميع استكرات الجميح موجودة وهو صناعة استخدام امريكي ولكن الجميح جايبه جديد والموتر ماشاء الله لو تسوقه ماكأنه مشى بعد والتجربة خير برهان.
البدي: سليم ولاطقه ولارشة
المحركات:100%
كفرات جديدة واستمارة سارية وفحص جديد
كلاسيك داخلي رصاصي

الموتر بإختصار قمة في النظافة ماشاء الله وحقيقة على كلام اللي شافوه أنه من النوادر
طبعاً حدي النهائي فيه 50الف
واللي يجيب لي زبون له عندي سعي بذمتي1000
الجوال للتواصل/ 0557465202

[zoro1970]

ما اعتقد راح يجيب هالمبلغ المبالغ فيه

اسعار الي مثله بالسوق ماتتعدى ال 15 الف مهما كان نظيف

بالتوفيق

[جمر الآهات]

50 الف يارجل ,,,,

مستحيل كابرس 93 << شكلك ماتبغى تبيع عشان كذا حطيت هالمبلغ اللي ضرب من الخياااال

على العموم الله يوفقك ,,,

وان بيعت بهالقيمة لك 5000 ريااال هدية من عندي

[الذيب الوايلي]

هههههههههههههههه


شر البليه مايضحك

[ولد العود]

المبلغ (50000) مبالغ فية كثير يااخي العزيز ونسال اللة لك التوفيق

[العنزي2009]

اخوي تحيه طيبه
انا كل عمري مع الكابرس يعني مانفترق ابد
وارد الجميح يالذيب مايجي عداده ميل لو تطبق السما على الارض
قل نظيف اجي معك امريكي اجي معك مجدد اجي معك طيب عطني صوره للداخليه المراتب والطبلون
بس الله يرزق الجميع على دوره ماوصل هالسعر

[هلي99]

حياكم الله جميعا
فعلا شر البلية مايضحك والموتر سيم 34000 أمس الخميس ببريدة
وأخوي العنزي الموتر لوتبي تشوفه الله يحييك عليه أربع إستكرات من الجميح وكذلك ممكن تستفسر برقم الهيكل من نفس الجميح.
ولا هوب حنا اللي نكذب عشان كومة دراهم أوحديد ياطويل العمر
وأحترم خبرتك بالكوابرس وعلى راسي
لكن سؤالي هل أنت شفت جميع الكوابرس ال 93 اللي بالسعودية ؟
طبعا إجابتك لا ... إذا أعتبر هالموتر من ضمن المواتر اللي ماشفتهن.

[جمر الآهات]

كثر منها ياشيخ سيمت 34000

الى متى الاستخفاااف بالناااس ,,,؟

الحمد لله لي خبرة متواااضعة بالسيارااات بس مامرت علي مثل سيارتك هذه ,,,

[test]

خمسين ألف ريال رخيص
انا أقـــــــــــــــــــــــــول
زيد الســـــعر أشوي بـــــــــــــــــــــــــــــــس
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حلو الكلام]

..
اقـول

رأح بـ 8 الالف 4 مقدم واصبر علي شهر اكمل الباقي