وش عطانا كل تاريخ القبيله
السوالف ماتجيب ولا تودي
والزمن أصبح نهاره مثل ليله
ناظر الدنيا وتفهم ويش قصدي
وين جدك وين هذاك الدليله
ماتذوق العز والحال iمتردي
لو تشوف الخير ماتقدر تجيله
علمونا نارد الموت ونعدي
مادروا وش صار بياع iلبليله
علمونا ننزل وبكره نشدي
والديار اليوم بصكوك iلفضيله
علمونا نكرم الضيف iلمعدي
لاجل يذكرنا ويمدحنا قبيله
أكرمه لو كان يصلخ كل جلدي
ما اتعذر لو ما باليد حيله
كرهونا بالتجاره والمكدي
لو شريت وبعت ضيعت iلجميله
والصناعه ماتخص عيال نجدي
لو تجي صناع ياكبر iلفشيله
والدراسه ماوراها خير يبدي
من درس ضيع حلاله عزتيله
ضيعونا والزمن كله تحدي
كيف ناكل عيش بعلوم جزيله
شيخنا يبلش على تعيين جندي
ينطل بوجهه ملف جا يشيله
عاد تدري ليه أنا بيحت iiسدي؟؟؟
لا وظيفه لا فلوس ولا iiحليله