ليش قلبك يا بعد عمــــــري حزين
والله مب لايق عليك هـــــذا الزعل
يا حلاتك يـــــــــوم كنتي تضحكين
إفتحي قلبك وقولـــــي وش حصل
من تجرأ من قطــــــف هالياسمين
من حرمه الزين قبل مــــــا يكتمل
من كسر قلبه وشعــــوره بكلمتين
ويدري قلبه للعتب مــــــــا يحتمل
منهو أرخص قيمة الغــالي الثمين
ويدري إنه فـــــي عيوني له محل
ومن يقــــول الورد ما يقطر حنين
ومن يقــــــول إنه وسط قلبي ذبل
يالله قومــــــــــي يالله لا تتكيسلين
خلي حلمي ويـــاك يوصل لي زحل
يالله قومـــــــــي يالله لا تتشاورين
خلي حبنا يكــــــــــــون للعالم مثل
قالت إصبر قلت إنتي تامــــــــرين
وطالعتني بعين يملاها الـــــــوجل
ولا إراديا ذرفــــــــــــــــت دمعتين
وقالت إنه الزين أبد مــــــــا يكتمل
قلت قولي لي ترى ســــــرك دفين
ما بخبر حد لــــــــــو مهما حصل
بس دخيلك ما أبــــــي هالدمع يبين
مب عشـــان شي بس والله محتمل
طالعتني وقلت لها شتطــــــــــالعين
ما في داعي للعـــــــواطف والخجل
هذا مب وقته فــي وجهي تسرحين
جاوبي إحساس قلبي اللي ســـــــأل
قالت الشدة بعد فتــــــــــــــره تلين
والفــــــــــــــرح يقبل اذا باقي أمل
والشقى لازم فـــــــي يوم إنه يهين
والصعب ياتيه وقـــــت يكون سهل
قلت لها قـــــــــولي لي ولا تلمحين
ما أحب أسمــــــــــع كلام ٍ به جدل
قولي شالموضوع اذا إنك تسمحين
وخلي الخــــــوف اللي فيني يرتحل
قــــــالت أهلي ساوموني بدرهمين
وقـــــــــرروا إنهم يزوجوني بعجل
جا خطبني شخص قـــــــدي مرتين
وجابوا المـــــــــأذون والعقد إكتمل
وافقـــــــــــــوا لأنهم بماله طامعين
وبالتجارة والمــــــــــــــراكز والفلل
ليش لأ دام إنهم اللــــــــــي رابحين
يمكن إنهم يطلعـــــــــــون بكم محل
قالت إلحقني ومــــــــــد لي هاليدين
ضاع فكري وطار من راســي العقل
من لي غيرك أشتكي لـــــه يالضنين
عطني رايك عطني لــــــــو ذرة أمل
صرت أنا ويــــــــاك ضمن التايهين
والحــــــــــزن في دربنا توه إستهل
ليش يـــــــا دنيا في وجهي تعبسين
حظي المـــــــــــايل متى بس يعتدل
قــــــــــــالت إتكلم ولو بس جملتين
لا تتم ســــــــــاكت ترى وردي ذبل
قــــــول لي أي شي قول لو كلمتين
وإنته بس اللي لأمـــــــــــــره أمتثل
صــــــــــدمتي كانت معاها صدمتين
صــــــــــدمتي كانت في هالمره دبل
كنت بسألها شــــــــــــــرايك تملكين
دام خذنا الدبله والحـــــــــــب إكتمل
ما نطقت بشي وأنــــــــا ميت حزين
والدمـــــــــع من فوق وجناتي همل
قمت أشـــــــاهق ما أبي نوحي يبين
كني خيل بأعلى صرخــــــاته صهل
قمنا نطــــــــــــالع بعض عين ٍ بعين
ما تكلمنا إليـــــــــــــــــــن الليل حل
قالت إنطق لا تقـــــــول إنزين إنزين
وأنا ساكت والفــــــــــرح عني رحل
كنت أظـــــــــن إحنا لبعضنا مكملين
ما دريت الحـــــــــــــــظ عاند بالفعل
كنت أنا وحـــــدي في عالمها سجين
وكنت أقــــــــــول الحظ أخيرا إعتدل
قلت لها أذكــــــــر كلامك لين إلحين
يوم تقولي لي تـــــــراك أحسن ريل
صحت فجــــــــأه وقلت لها تتذكرين
يــــــــــــوم كنا نخطط لشهر العسل
قلت عشاني قــــــــومي ولا تزعلين
وإرضي بالــــــواقع مدام إنه حصل
إسمك بيبقى وســــــــــط قلبي دفين
والقمر لازم في يــــــــــــوم بيكتمل
والله بفــــــــــرح دام إنتي بتفرحين
يالله خلينا بعــــــــــــــــرسك نحتفل
وإصفعتني كف ع الخـــــد والجبين
وقالت إنته قــــــــــــــاعد تكلم طفل
قلت لها وصــــــوتي بنبراته حزين
إوعديني هالــــــــــــزعل آخر زعل
لأنه قلبك ينعرف يــــــــــوم تزعلين
والله مب لايــــــق عليك هذا الزعل
ومهما ناديتك أبــــــــــد لا تجاوبين
قصة الحـــــــــب إنتهت مات البطل
إفترقنا بعد كــــــــــــل هاذي السنين
وللأسف حبنا في هالمــــــــره فشل
إنتهى مشـــــــــــوار أحلى عاشقين
كلن بدربه ولكـــــــــــــــن ما وصل
كل واحد ينسى مــــــــع مر السنين
لكن الذكرى أمرها مـــــــــــب سهل
لين آخر يـــــوم في روحي تسكنين
وصورتك تبقى مثل بــــــــدر إكتمل
في بعض الأوقـــــــات أقعد مستكين
بس أفكر ليـــــــــــــن يذبحني الملل
بالفعل قطفوا زهـــــــــور الياسمين
قطفوا الزهره قبل مــــــــــــا تكتمل
العرض الشجري