الكـل لازم يشـارك نرفـض الاعـذار = والمــــــــسألـة لازمـه مـاهـي بـوديـه
السلام عليكم ورحمة الله وبركاته ... تحياتي للجميع
حقيقة يااخوان تراني ماني مسامح اللي يمر من هنا
ولا يكتب رد حتى لو تسجيل حضور .. تحياتي للجميع
يالله عسى ارض الحفر تكثر بها الامطار= ومرباعها يضــــبظ والاجـــواء ربيــعيه
ويزورهــا الفيـــاض ويــقابل الاخــــيــار = واهل الحـــفر طيبهم فطره سماويه
يــاتل قلبـي تـل مــــن تلهـا الطــيـار = مـــاتحمــــل الركـاب فـــالجـو حربـيـه
طيارهـا فالمهمـه جاهـز ومـغـــــــوار = مـــتخـرج مــــــــن سـلاح الجـو كلـيـه
سيف الشرف حققه في أول المشـوار = ويحمل ثلاث نجـــوم فالكتـف ماريـه
جاله أمر بإقلاع فوري كمـا الاعصـــــــار = مــــــــهمتـه يـضـرب ولا راح دوريــه
ومن لحظته اقلع ولا حسـب الاخطـــار = يحسب حساب الذهاب ولا حسب جيـه
خطر يتفجر محركها وهـو مـا طــــــــار = مـــــــن زود ضغط الوقـود تصيـر ناريـه
وقلبي ترا كالمحرك ياجماعـة صـــــار = يغلـي قليـــــبـي ويشكـي بعـد غاليـه
يملك جمال ومزايـا تخطـف الانظـــــار = الـــصاحب اللي ما بعد شفت انـا زيـه
الحب مـا بيننـا والحفـظ للاســــــــرار = ومـــــتبادليـــن القصيـد وحلـو قافـيـه
واقفت بموكب عريس وجعل ابوها النا ر= يومـــــه غصبهـا حسابـه عنـد واليـه
وشهو شهير معروف وشايع الاذكــــار = مـــــدري سواتـه حقيقـه او خرافيـه
اسمه مركب حروفه ما هي حيل كثـار = مغيـــــــر تسعـه تجيبوهـا ضـروريـه
حصراً على طايفه وابقوا معي حظـار = بزيد وصفـــــه إليـن اكشـف حراويـه
يحتاجه اللي مصـاب وكنـه بمنشــــار = مـن الالــــم والتـــــوتـر مـن بـلاويـه
باسباب سبع يذوق الويـل والامــــرار = ويـقال يعطـى مـن المطلـوب كميـه
ويسلم بـإذن الولـي ومقـدر الاقـــدار = وفي وقته الناس مرزوقه علـى النيـه
انا المضيـف هنيـا وانتـم الخطــــار = وحـــكـم المضيـف عليكـم يالسنافيـه
الكـل لازم يشـارك نرفـض الاعـذار = والمــــــــسألـة لازمـه مـاهـي بـوديـه
وليا حصل من وليفي طـاري وتذكـار = ليت البلاء بـي وذاك الشـي بشفيـه
العرض الشجري