السلام عليكم ورحمة الله وبركاته
كيفكم بنات بعد غياب رجعت ووالله المقصد من ردتي لكم اني افيدكم
طبعا اول مناسبه لنا (زواج اختي ) بالحفر فااكيد اشرفت انا على التجهيزات وكان لي تجارب ومواقف البعض سيئه والبعض مريحه
حبيت ابدى معكم من اول شي بدانا معاه وهو فستان الزواج
عالطول رحنا للفاو وافترينا على المحلات ووقع اختيارنا على محل ........الي بالزاويه دخلناه وواخترنا الفستان وعدلنا فيه شلنا اشياء واضفنا اشياء طبعا البائع سوري اعطانا الشمس بيد والقمر بيد بعد مااتفقنا طبعا الكلام هذا بشهر 7 قبل الزواج ب3 شهور قال الفستان بفصله لكم ويكون اول لبسه وسعره 2500 قلنا اوكي اهم شي اول لبسه وواعدنا ببداية شهر رمضان رحنا له على الوعد ولما وصلنا الصدمه ان الفستااااااااان زبااله وملبوس مرتين قبلنا ومغسول 3 مرات وان بعض ملحقات الفستان مافيها شوارفسكي فيها بلاستك وخرز ابيض قاتم بدون لمعه وان الطرحه مو الي اخترناها ومع هذا كله مو نفس المقااااااااااس وربي كنا بننجن ولا فوق هذا نفسيته خياس ماكلنه الي حجزنا منه اسلوب عدم والفستان ماله تضبيط ولا له حل والمصيبه مارضى يرجع لنا الفلوس ولما ابوي نقاش صاحب المحل قعد يدق السوري على ابوي ويترجاه ويقول ماترضى يخصم مني ومن هالكلام اسلوب كسر الخاطر رضى ابوي بنص المبلغ وتم ارجاعه وبكذا انتهت اول تجربه
طبعا ايش الحل الي سويناه على طول على الخبر شارع السويكت ونحجز احلى فستان ولبسه اولى بنفس المبلغ ويطلع احسن من الي تخيلناه ولله الحمد
ثاني تجربه طبعا بعد خروجنا من الملاك الابيض على طول جود محل المسكات ونحجز مسكه ورد جوري لون كرزي بموديل عادي وندفع له ونطلع
المصيبه قبل الزواج بيومين ندق عليه للتاكيد فقلت متى استلم المسكه قال قبلها بيوم المغرب قلت ليش وانا ابيها بنفس يوم الزواج عشان ماتذبل قال والله انا مو فاضي وبلهجته (شووو انا فاضي لكن عندي كوش وتجهيز قاعات واذا مابدك كنسلي الحجز انا ماني فاضي ) بنات بغيت انجلط وربي قلت وشلون اكنسل جاي قبل الزواج بيومين تقول كنسلوا المه يمين يسار مارضى فاارضخنا للامر الواقع وجينا قبل العرس بيوم عشان نستلمها والمفاجئه ان المسكه حجمها صغير واحنا طالبين كبير وعباره عن لونين وحنا طالبين لون واحد ومع هذا اطرف الورد على اسود ولما واجهناه قال مو مشكله اعمل لكم ثانيه قلنا وليش مو من البداية عملتها مثل ماطلبنا قعد يلف ويدور بالكلام ون موديل الورد يجي كذا فااغيرنا الون وبعد ربع ساعه استلمناها مثل ماانبي وعدت على خير
التجربه الثالثه مع الحنايات وااااااااااااااه من الحنايات ونصبهم بالحفر (ياملا السيل يالخبر والله )
تم الاتفاق مع الحناية ام محمد السودانيه على الحناء بااول ايام العيد ويجي ليلة العيد وانا ادق وادق وادق ورب الكعبه كنت مايفصل الا وادق لكن مااحد يرد واخر شي قفلت الجوال ويجيي اول عيد الناس معيده وانا اعصابي منهاره وادق ونفس الحكايه محد يرد والا مقفل الجهاز والمصيبه كل من كلمتها قالت مشغوله بعد المغرب وتلاقي لنا وحده حناية اسمها ام يوسف باكستانيه وتجيني بالبيت ولما وصلت تبدى تحني وحده مننا ويابنات شخااااااابيط وربي حيل الله بس تسكيت وتحنيها يد وحده وشغل ناعم وبسيط وبس الكف والزند ب150 والشغل زبااااااااله
ولما جت تحني بنتي الصغيره قالت ب120 ريال طبعا بس ظهر اليد وعلى الكف فقط لاغير ( للي من الدمام والخبر مثلي بتنجلط )
المهم رفضت وتحاول فيني قلت مستحيل مشكورة مانبي نتحنى وتحاول وتمسك بنتي بتحنيه وتقول الي تبين عادي قلت 50 قالت اوكي عادي 50 مافي مشكل وتشخبط لها شخبوتين وتمشي وتحاول تبي تحنيني وارفض المهم وتطلع وانا مستمره ادق على ام محمد وثاني عيد العصر ترد علي واواعدها العشاء وتجيني ام محمد اخيرااا اخلاقها عسل وربي هالانسانه ولاتزعل ودلكتها خطيرة لاكن الحناء انا طلبتها حناء سوداني لكن للاسف ماضبطته لي ولا طلع مثل الي ابي مع اني فاتحه لها صورة بالاب وطلبتها تسوي لي تاتو على الرقبه والكتف وماضبط بصراحه احس رسمها مو دقيق وانا والله ماشفت نقشها العادي انا طلبت رسوم غريبه وماضبطتها شفت على يدها باقي حناء هي محنيه روحها مااعجبني احس الرسم كبير لكن مع هذا كله انسانه قمة الروعه والله العظيم واسعارها رخيصه
التجربة الرابعه مع الكوافيرة الشامله ام احمد المصريه طلبناه حف وارسلت لنا وحده مصريه مااعرف اسمها جت المراة وعلى طول بدات الشغل بصراحه كانها توها متعلمه وتحف على عماها حي الله بس بتمشيك تحسين وغاليه مع هذا وكانت تجربه غير موفقه وانا اتوقع بالزحمه تجيب معرفها وتخليهم يشتغلون حتى لو مايعرفون
التجربه الخامسه كانت مع خياط ........... بالسوق القديم خياط روووووعه لايفوتكم ويضبط المودل مع ان شكله مايوحي بس ماعليه لكن اهم شي معك مقاس حلو ومضبوط
التجربه الخامسه مع مشغل .......... وقد مااتكلم عن هالمشغل واخلاق صاحبته ماوفيها حقها هي وعاملاتها الخياطات جربتهم بالتضيق والتوسيع حلو شغلهم والي احلى بصراحه اخلاقهم يهبلون وحده هنديه ووحده اندونيسيه اما صاحبة المشغل انسانه رائعه بمعنى الكلمه بقولكم الموقف ايام الشتاء جيت وسويت كم شغله عنده وحاسبتها ومااخذت الباقي ابو الشباب مااقدر يصبر مشى من الزعل عيا ينتظر المهم لما جيتها كنت بحاسبها عرفتني وذكرتها بنفسي وعلى طول ردت لي المبلغ وزياده عليه قالت انا ببرى ذمتي مااقدر وبصراحه موقف منها رائع
التجربة السادسه كانت مع مشغل .........(ترفه ) الغنية عن التعريف وايش اقول ايش اخلي وربي انسانه قمة الروعه رائعه بااخلاقها بشغلها بكل شي حتى طاقم العمل عنده بنات يهبلون عسل وربي ومع هذا طلعوا العروس تحفه ومشكورين
التجربه السابعه مع مشغل ..........وكانوا ماشاء الله لايعلى عليهم بس للاسف صيته ذاك اليوم كانت متنرفزة ولا ضبطت البنات مع انه مش عوايدها لكن مع هذا مبدعه صيته
التجربه الثامنه مع مشغل ................ والتساريح عندهم يعني وحده من خوات روعه وثنتين لا والله ابد مو حلوو
التجربه التاسعه مع مشغل ......... وديت بنتي يسون لها تسريحه ويصكوني 250 وشغل يجيب المرض كانهم عميان مافيه ابداع ابد بالشغل للاسف ومع هذا بس رجعنا فكيت لها التسريحه خساره
التجربة العاشره مع المصورة ام نورهان الرائعه كانت اخلاقها قمة الروعه وصبوووووووووووره لكن الصور لسى ماطلعت بعد ماتطلع بخبركم
التجربة الاحدا عشر
مع مشغل ......... قصيت بنتي عندهم قصة الحمامه وكانت رووعه بشهادة الجميع ولو ان القص مش قص محترف لكن يمشي الحال لو مايل
وبــــــــــــــــــــــــــــــــــــــــــــــــ ـــــــــس
طبعا احب اذكر بعض الحاجات الي اثرت فيني وهو النصب ياناس عمري ماشفت مثل النصب بالحفر والله مانخطي خطوة الا نتعرض لنصب حسبي الله ونعم الوكيل بس
حاجه ثانيه الكوفيرات الي مو قد الشغل ياليتهم مايشتغلون والمصيبه لما يجون عندنا يقعدون يضحكون يقولون اهل الحفر بدو اي شي يمشي عندهم مايعرفون شي حرام ليه ماتراعون الله بشغلكم وتخافونه
ووالله كنت صادقه بكل كلمه قلتها والقصد كان المصلحه والفائده للجميع 
بعد اول تجربه لي مع تجهيزات الزواج بالحفر ؟ رايي بصراحه
العرض العادي
